للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, رجاء مراعاة قوانين هذا القسم جيدا قبل الكتابة فيه.
قوانين المنتدى
للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, مع الإلتزام بحدود لائقة فى المزاح بين الأعضاء, وعدم التجريح فى أى عضو فى الأكاديمية أو استخدام أسماء أى شخصيات عامة والتشهير بها.
واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض
بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا
في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى
كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح
ملحوظة نحن لا نلمح الى اى شخص و لكنها مجرد نكت سياسية .. و نحن لا نمتلك الا النكت
والله يا محمد السخرية من واقعنا دى هى اللى مصبرة الشعب المصرى لحد دلوقتى على كل الأزمات اللى عاشها...حتى فى عز أيام الحرب والنكسة كان دايما بتطلع نكت على أحوال البلد أو على قادة إسرائيل...هو حس السخرية من الواقع ده دايما فينا...
كل تعليقى على النكت دى " هم يضحك وهم يبكى " وبشكرك يا محمد على موضوعك وحمد الله عالسلامة بعد تعب الإمتحانات وعقبالنا كلنا..
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
