بداية

[هبة الله محمد]

بداية

خواطر


غريبة هي دقات الساعة تارة كئيبة مملة تارة أخرى صاخبة سريعة.. الروح السقيمة تهدهدها الدقات..تتناغم مع دقات قلبها الشيء الوحيد الذي ينبئها بأنها على قيد الحياة




..فعلا قيد الحياة..متى بدأت تحس أن الحياة قيد حقيقيا يربطها بعالم لا تنتمي إليه بأي حال من الأحوال..يوم أخر يمر ولا شيء يتغير الكرة الأرضية تدور حول نفسها فتنسخ اليوم من الأمس والغد من اليوم..حزن عجيب يتسلل إلى روحها..لا تعرف من أين أتى وكيف ينمو بداخلها يتغذى على سعادتها التي تذبل يوما بعد يوم..اعتادت أن تنسى أحزانها بالاندماج وسط الآخرين..واليوم ذهب الجميع هي فقط هنا ظل جماد مهمل على الحائط...حتى الهاتف حرمها دفء رنينه...قلبت في أوراقها القديمة... قصاصات الورق التي احتفظت بها..كلمات كتبتها ثم نسيتها..سقطت في يدها ورقة.. مخلفات من روحها الثورية القديمة تقول فيها لابد أن تنبع سعادة الإنسان من داخله..تعيسا هو من يترك سعادته في أيدي الآخرين..هزتها عبارتها نفضت عنها غبار أيام عاصفة..توكأت عليها لتنهض وتبدأ حياة جديدة.


هبة الله محمد حسن

[المهاجر]

ايوة يا حاجة هبة ما عرفتيش تعملى حاجة فى الالف قصة قولتى خلينا فى اللى نقدر عليه فعلا الاعتراف بالحق فضيلة
بس بجد بحييك على الخاطرة الجميلة دى

[هبة الله محمد]

[المهاجر]

أصل أنا لقيت نفسي هتبهدل قلت انسحب بكرامتي أحسن ..

حلو هتبهدل دى يا هبة قولى لتنهيدة بقى لاحسن هى مصممة انكوا هتفوزا وزى ما قولت الاعتراف الحق فضيله ربنا يكون فى عون اللى اسمهم فضيله دلوقتى كلهم بيشرقوا وهيموتوا من كتر ما جبنا فى اسمهم

[تنهيدة]

جميلة فكرة خاطرتك ياهبة وأسلوبك ولغتك هايلين واختيارك فى التعبيرات عن موضوع الخاطرة كمان جميلة وفعلا أن الأنسان يربط سعادتة بوجود ناس ولما الناس ده تذهب من حياتة تضيح حياتة وتملئة اليأس هو ده فعلا ضياع الحياة الحقيقى .. لازم فعلا سعادة الأنسان تكون نابعة من داخلة ..بجد قصيدتك فادتنى شخصيا ياهبة بحيكى وبتمنالك التوفيق

[الأمير الحائر]

رائعة...فكرتها تشبه لفكرة قصة قصيرة اسمها " لحظة " كتبتها تنهيدة فى موضوع الألف قصة..نفس الإحساس والبداية...خالص تحياتى على الخاطرة الرائعة ياهبة

[menna]

لابد أن تنبع سعادة الإنسان من داخله..تعيسا هو من يترك سعادته في أيدي الآخرين..

جميلة جدا الحكمة دى....كل واحد بيفضل يستنى التانى هو اللى يفرحه...هو اللى يكلمه...هو اللى يريحه...والنتيجة ان محدش بيفرح ولا حد بيتكلم ولا حد بيرتاح....ولو كل انسان عرف ان سعادته فى ايديه هو عمره ابدا ما هيكون تعيس...

[هبة الله محمد]

رائعة...فكرتها تشبه لفكرة قصة قصيرة اسمها " لحظة " كتبتها تنهيدة فى موضوع الألف قصة..نفس الإحساس والبداية...خالص تحياتى على الخاطرة الرائعة ياهبة

يبقى تنهيدة هي اللي سارقاها مني لأن الخاطرة دي مكتوبة من 2006..دلوقتي ما بكتبش خواطر خالص..واكيد عشان إحنا حزب واحد فأفكارنا واحدة فخليكوا بعيد أحسن

[المصرية]

حلوة قوى يا هبة اول مرة اقراها احساسك قريب من لحظات بعشها فى عمرى .

[Ghadat2009]

خاطرة مميزة ...و هادفة

رغم الجو الحزين الذي اعتراها ...إلا أن النهاية قد أعجبتني كثيرا ...فيها الكثير من الأمل الضروري للحياة مصحوبا بحكمة رائعة

أسلوبك و كلماتك في منتهى الروعة ..ماشاء الله

أجمل تحياتي لكِ