بزيادة

[المهاجر]

بزيادة نوم وسكوت بزيادة
يا أمة كانت ليها ريادة
عاشت سنين وسنين مترستقة بزيادة
ولما اتفرقت هجم عليها الكلاب
واحنا لسة بنقول بزيادة
يا أمة عاشت فى الذل بزيادة
هنقول كفاية وبزيادة
وبعد كل دا مش هيحصل حاجة
عرفتوا ليه بنبكى على حالنا يا سادة
كفاينا ذل وخوف حرام قولنا بزيادة
نمنا ونسينا الماضى ومعاه نسينا الساحة
وفضلنا نعيش على ماضى وريادة
والماضى يكفى بأيه
لو ما فيش حاضر يملى عنيه
بزيادة تلاكيع وسلام
جهاد ماتت ومعاها محمود وسلامة
بزيادة يا أمة بزيادة
لامتى هنفضل خايفين من كلاب الغابة
قومى يا أمة وحوشى عنك سواد السحابة
يا ارض الاقصى والكنانة
قوموا يلى واتولى انتى القيادة
جهزى منا ومن ولادنا رجالة
يا أمة بزيادة نوم بزيادة
فين عبد الناصر والسادت
يا ريسنا راح فين عصر الطيارات
يا بلد ما لهاش كبير اكلت فيكى الديابة
بزيادة يا أمة بزيادة
هنروح فين ما لناش غيرها وطن
واللى اتحرم يعرف يعنى ايه الوطن
يا ثورتنا قومى قومى بزيادة
النار تحت الركام ومش هيكفيها غير السيادة
بزيادة بزيادة نوم وذل بزيادة
هقول لامتى تانى بزيادة

[الأمير الحائر]

منا ونسينا الماضى ومعاه نسينا الساحة
وفضلنا نعيش على ماضى وريادة
والماضى يكفى بأيه
لو ما فيش حاضر يملى عنيه


___________

لو لاحظت يا أحمد الكلمتين اللى أنا عاملهم بخط عريض هتعرف الغلط فى المعنى...
بالنسبة لكلمة بزيادة المفروض استخدامها عدة مرات يبقى بعدة معانى عشان تبقى أدبيا أجمل لكن فى أغلب الأبيات جاية بمعنى واحد ما اتغيرش ده غير فى أبيات تلاقيها مقحمة بس عشان الوزن وده مش كويس فى الشعر...
ده بالنسبة للقصيدة..لو على الفكرة فكلنا فعلا شايفين ان بلدنا بقى فيها حاجات كتير غلط..ويارب فعلا تتصلح...
خالص تحياتى يا أحمد

[المهاجر]

وصلت المعلومة يا وليد وان شاء الله احاول اعدلها وبشكرك على نصايحك ليا دايما