مالك ياجنيهنا يامصرى
قاعد زعلان كده ليه
والنبى تسيبونى فى حالى
ما خلاص مبقتش جنيه
انا متضايق وحزين
وكمان مبنمش الليل
ويا عينى بكلم نفسى
من كتر الآه والويل
دايما قاعد وبفكر
هيبقى مصيرى أيه
أكيد هيبقى الجنه
أصل أنا صبرى مش قليل
بعد ماكنت جنيه له هيبه
وكمان شنه ورنه
دلوقتى بقيت خيبه
ولا تسمع لها زنه
من كتر الضرب فيه
بقيت ماشى بالمورفين
محدش بيجيب سيرتى
ولا حتى الشحاذين
معنتش فاهم حاجه
أنا بيجرى لى كده ليه
أتارى السته منى
بواحد من البيه
دلوقتى ياخد له ضربه
ويبقى العشره بجنيه
بعد ده كله ومش عايزين
أشد فى شعرى
وأبقى حزين
ربنا يسترها عليه
قبل ماأبقى من المرحومين
الجنيه المصرى
- همسه
- مشرفة قسمى الشعر, كلام فى الحب
- مشاركات: 119
- اشترك في: 05 نوفمبر 2008, 8:02 pm
- Real Name: آيه الشحات أحمد
- Favorite Quote: اطلبوا اللعلم من المهد الى اللحد
- verification: ID verified and trusted writer
- مكان: مصر
الجنيه المصرى
همسه
- الأمير الحائر
- مشرف قسم الروايات
- مشاركات: 859
- اشترك في: 31 أكتوبر 2008, 8:06 pm
- Real Name: وليد توفيق
- Favorite Quote: و تبقى الكلمات...
- verification: ID verified and trusted writer
Re: الجنيه المصرى
ايه ده يا أية الجمال ده والله روعة!
أنتى بتكتبى شعر هايل أوى على فكرة! طريقتك فى القصيدة دى تشبه لصلاح جاهين اللى انا بعشق شعره اصلا
أنتى حطاها فى قسم الخواطر ليه دى مكانها قسم الشعر دى قصيدة ولا أحسن من كده
وبالنسبة للجنيه المصرى....ربنا يكون فى عونه بقى
بس بجد روعة يا أيه ومستيين بقى أشعارك اللى جاية ان شاء الله
أنتى بتكتبى شعر هايل أوى على فكرة! طريقتك فى القصيدة دى تشبه لصلاح جاهين اللى انا بعشق شعره اصلا
أنتى حطاها فى قسم الخواطر ليه دى مكانها قسم الشعر دى قصيدة ولا أحسن من كده
وبالنسبة للجنيه المصرى....ربنا يكون فى عونه بقى
بس بجد روعة يا أيه ومستيين بقى أشعارك اللى جاية ان شاء الله
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
- المهاجر
- مشرف قسم المقالات و النقد الفنى
- مشاركات: 779
- اشترك في: 04 نوفمبر 2008, 4:48 pm
- Real Name: أحمد جمال الدين أحمد
- Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه - verification: ID verified and trusted writer
- مكان: مصر
- اتصال:
كلمات ليكى وللجنيه
أية يا من اسمك مقتبس من اسمى الكلمات والمعانى كتبتى عن التفكير الاول لشعبنا فاوجزتى وابدعتى فدعينى اقولها لكى يا أية من الرحمن بين ايدينا
اتمنى لكى التوفيق ومنا اسما امانينا
فلتزيدى ما انت به تبدعينا
واكتبى من القول ما للكتابة ينادينا
استمرى على هذا واتحفينا
بكل شئ من القول فأكـــــــــــرمينا
الكلمات الى فاتت دى ليكى اما الكلمات اللى جاية دى للجنيه
يا جنيه ما تحزنش على حالك ولا تبكيش
احنا فى زمن العجايب زمن رغيف العيش
يا جنيه ما تحزنش على حالك ولا تبكيش
كنا زمان بنجيب بيك شيكولاتة وقراقيش
لكن النهاردة بقيت عامل زى اللى ضارب حشيش
كنا بالبريزة نجيب كرملاية ونرمى الباقى بقشيش
دلوقتى بقينا ناخد البريزة ونخبيها تحت الشباك الشيش
مـــــــــــــــــــــ أعمــــالى ــــــــن
مسرحية هى دى مصر
الجزء الاول
الجزء الثانى
الجزء الثالث
قصة طفل من غزة
الجزء الأول
الجزء الثانى
قصيدة حرامى على الحدود
حرب غزة .... حرب عقائدية لا حرب تأمينية
للمـــــــــزيد من أعمالى يا عم الحج
Re: الجنيه المصرى
اية منى ليكى كل تحية على شعرك الجميل ده والاجمل ان الشاعر يحس بالناس ويكون شعره بيعبر عن مشاكل الناس ده هو الشاعر الصح
بجد لكى منى كل تقدير و احترام
بجد لكى منى كل تقدير و احترام
ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------
----------------------------------------
يالا يا مصرى نشترى المنتج المصرى
--------------------------------
-
- مشرفة قسم أدب الأطفال
- مشاركات: 1291
- اشترك في: 04 نوفمبر 2008, 3:01 am
- Real Name: نهاد نعمان
- Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
- verification: ID verified and trusted writer
- مكان: بنت مصر
Re: الجنيه المصرى
أنا حزينة لانى مكنتش أول واحده قرت الكلمات الرائعة ده بجد يآيه شعرك هاااااايل الشعر الساخرده هو الشعر الابيوصل لجميع أفراد مجتمعنا اد ايه نقشتى موضوع خطير بطريقة سهل وبسيطة انتى فعلا يايه رائعة ووبشكر احمد كمان على التواصل الاعمله وكمان كلماته جميلة