جوجتى العسولة القصة بجد نورت بوجودك وطبعا أنا حاسة بيكِ لان كل الشعب المصرى حاسس فعلا بالضيق مش بس من الخسارة من كل شىء حصل الفترة الا فاتت ...الحلم المستحيل كتب:صباح الخير يا نهودتي /
عارفة يا نهاد الساعة دلوقتي معايا9:10 صباحا .... بس عارفة انا كنت متضايقة اوي عشان خسرنا لاني طبعا كان نفسي نكسب بس طبعا لازم يكون في روح رياضية و فرحت برضه عشان الجزائر طبعا ده مش موضوعنا خالص ... بس اللي عايزة اقوله اني و انا بقرا قصتك حسيت مشاعر حلوة اوي افتقدتها من زمان ... حسيت بالحماسة و الحرية بجد ... حماسة انك تبئي عايزة تعملي اي حاجة مفيدة ... و بجد قصتك ادتني دفعة و امل كبير جدا ... و حسيت منها بمغزى مفيد جدا و هو اننا لازم نعيش على امل و يقين في النصر و يكون في ثقة في النفس و القدرات في اننا حنوصل لهدفنا و نحققه و نعتمد على ربنا و نتوكل عليه و ساعتها بالأمل ده ممكن فعلا نحقق اللي احنا عايزينه حتى لو حلم مستحيل فهماني طبعا ...
و بعد ما قلتلك المغزى اللي قصدتيه و اللي متأكدة إنه حيوصل لأي حد يقرا القصة و حيحسه فعلا ... عايزة اقولك انك كنت رائعة جدا في الوصف و خاصة في وصف اللوحة اللي عجبني جدا و اللي خلاني زي الناس اللي في المعرض اللي كانوا مستغربين جدا و كأني عايشة جوة القصة بتاعتك .... بجد قصة رائعة جدا يا نهودة و اسفة ع الاطالة بس حاسة انها ادتني امل حلو و كمان اني حنجح في امتحان النهاردة ان شاء الله ... بتمنى لك كل النجاح اللي في الدنيا و انك تحققي كل آمالك خاصة أملك المستحيل ...
لكن بجد يسعدنى جداااااا ان قصتى المتواضعة تخرجك من مودك السىء وتحسسك بمشاعر حلوة وامل
ودا بالنسبة ليه بجد كفاية وأغلى أهدافى من القصة انها توصل لقلب وفكر القارئ ويحس فعلا بمضمونها ويمكن النهاردة انا سعيدة جدااااااا انى كتبت القصة دى برغم انى كنت اتمنى اكتبها بأسلوب افضل من كدا لكن احساسى انها وصلت معنى الحرية الا جوايا والا كنت اتمنى اوصله لكل الا يقرأه بجد حسسنى بفرحة وامل كبير
مش عارفة أقولك ايه ياجوجو على كلماتك الجميلة لكن بجد مش غريب ابدا عليكى انك تحسى العمل وتعيش معاه لانك انت دايما صاحبة الكتابات الا بتجذب القارىء الا ابعد درجة وبتدمجه فى الأحداث وكانه يراه فالازم تحسى أى عمل تقريه ...حقيقى انت الا رائعة بقرائتك العميقة للعمل وبرؤيتك الجيدة لجوانبه وبروحك وشخصيتك الجميلة الا بدعيلك بجد ان ربنا يدمهم عليكِ
بتمنالك النجاح فى الأمتحان ده وفى كل الأمتحانات وفى كل حياتك باجوجو وبشكرك على كل أمنياتك الرائعة و لانك اسعدتينى بجد وياريت تطويل اكتر من كداا لان كل تعليقاتك جميلة وممتعة
بالتوفيق ياصديقتى العزيزة
