يا شمسنا يا حنينة علينا
لا تغضبى ولا تغربى
لوفى يوم قسينا
ده الظلم كاس داير
وياما قاسينا
لا تغضبى ولا تغربى
لوفى يوم قسينا
ده الظلم كاس داير
وياما قاسينا
ياجدى راح راح فى القنال
تعب ومات ويا الرجال
حفره بايده شريان حياتنا فى سينا
تعب ومات ويا الرجال
حفره بايده شريان حياتنا فى سينا
يا عمى يا حامل السلاح
فى بورسعيد قاد الكفاح
ولما مات من الجراح
بكينا عليه وحكينا
دم الشهيد يا شمس
اصله غالى علينا
يا شمسنا يا حنينة علينا
فى بورسعيد قاد الكفاح
ولما مات من الجراح
بكينا عليه وحكينا
دم الشهيد يا شمس
اصله غالى علينا
يا شمسنا يا حنينة علينا
ولسه فاكره يوم الهزيمة
راح كتير من الشباب
دفعوا حياتهم بدون جريمة
يومها غربتى وغضبتى علينا
ولما جه العبور يومها طلعتى
وضحكتى لينا
راح كتير من الشباب
دفعوا حياتهم بدون جريمة
يومها غربتى وغضبتى علينا
ولما جه العبور يومها طلعتى
وضحكتى لينا
يا شمسنا ياحنينة علينا
واليوم يا شمس اصحى معانا
يا شمس قولى للكبار
يا شمس قولى للكبار
الصبر صار فوق الاحتمال
والجوع يا شمس هد العيال
الجوع ياشمس كسر الرجال
يا شمسنا يا حنينة علينا
لوشايفة قولى ولا اقولك
البنت عاشت فى الخيال
وفاتت عليها سنين
وفاتت عليها سنين
عشان ماجالها ابن الحلال
البنت بقت فى الاربعين
ولا لبست اسورة ولا خلخال
يا شمسنا يا حنينة علينا
ليه قايمة بتصرخى فينا
أصرخى فيهم
أصرخى فيهم
الحلم ضاع وضاعت امانينا
العلم بقى ملهوش لزوم
لا يجيب رغيف ولا هدوم
يا شمس فوقى قولى للكبار
خطفوا قدامنا العيال
وعملوهم قطع غيار
وعملوهم قطع غيار
اه كله مكسب والسلام
ماهو العيال كتار كتار
يا شمسنا يا حنينة علينا
يا شمسنا لوحسه قولى ولا اقولك
النيل بيجرى هناك بعيد
والعطش طاح فى البلاد
النيل كأنه مية سراب
وهو السراب يسقى العباد
يا شمسنا يا حنينة علينا
يا شمسنا يا حنينة علينا
يا شمسنا لوحسه قولى ولا اقولك
النيل بيجرى هناك بعيد
والعطش طاح فى البلاد
النيل كأنه مية سراب
وهو السراب يسقى العباد
يا شمسنا يا حنينة علينا
القطر ماشى بالاحمال
فى العيد وماشى ليل نهار
شايل عوض شايل دانيال
لا بقى فيه عوض ولا دانيال
فى العيد وماشى ليل نهار
شايل عوض شايل دانيال
لا بقى فيه عوض ولا دانيال
والأم استنت ع الرصيف
شايلة العشم الواد هيرجع بالرغيف
والأب شال حمل الجبال
واقف معاها فى احتمال
على الرصيف
نفس الرصيف
شايلة العشم الواد هيرجع بالرغيف
والأب شال حمل الجبال
واقف معاها فى احتمال
على الرصيف
نفس الرصيف
قال خلاص الواد معاه كل الامال
والام مسكت قلبها وفات الميعاد
وتقول يا ابو العيال طال الانتظار
وفين وفين جه الخبرمعاد معاد
الواد يا عينى كوم رماد
والام مسكت قلبها وفات الميعاد
وتقول يا ابو العيال طال الانتظار
وفين وفين جه الخبرمعاد معاد
الواد يا عينى كوم رماد
جريوا عليه وبكل الغضب
صرخوا وصرخوا
ضاع الامل ومين السبب
ضحك مسئول بنظرة عجب
وقال هو الموت بقى ليه سبب
ولما قال فيه عوض الأب أتغلب
لا الواد هيرجع ولا ينفع غضب
طب خد العوض ضاع العوض
هو حد برضه يقبل عوض !!!!!!
صرخوا وصرخوا
ضاع الامل ومين السبب
ضحك مسئول بنظرة عجب
وقال هو الموت بقى ليه سبب
ولما قال فيه عوض الأب أتغلب
لا الواد هيرجع ولا ينفع غضب
طب خد العوض ضاع العوض
هو حد برضه يقبل عوض !!!!!!
اقول كمان واقول كمان
على الى غرق والى اندفن تحت الجبل
والى من القهر انهزم
وصوره كمان ع الموبيل
فرحانين بطغيان الهبل
اه طغيان الهبل
كله اتخبل
كله اتخبل
على الى غرق والى اندفن تحت الجبل
والى من القهر انهزم
وصوره كمان ع الموبيل
فرحانين بطغيان الهبل
اه طغيان الهبل
كله اتخبل
كله اتخبل
وبرضه بقول
يا شمسنا ياحنينة علينا
يا شمسنا ياحنينة علينا
لا تغضبى ولا تغربى لو فى يوم قسينا
ده الظلم كاس داير وياما قاسينا