يوم فى حياة عضو

للحوار حول أى موضوع عام لايناسب أقسام النقاش الأخرى.

المشرفون: محمد محمود،المهاجر

أضف رد جديد
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

يوم فى حياة عضو

مشاركة بواسطة المهاجر »

السلام عليكم
اتمنى ان موضوع ينال إعجابكم وموضوعى النهاردة موضوع مش غريب ولا حاجة ولا جديد بس تذكير موضوعنا ان كل عضو هنا فى الاكاديمية يدخل يحكى قصة يوم فى حياته وعشان يبقى فيه عدل يحكى يوم سعيد ويوم حزين شوفتوا بقى منتهى الديمقراطية وكل واحد يقول اليوم دا كان امتى بالظبط عشان يعنى لو صادف مناسبة لعضو تانى نقولهم الاتنين اتلم المتعوس على خايب الرجا ايه رأيكم فكرة عبيطة مش كدا بس بزمتكم مش حلوة
يا الله مين هيبدأ
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: يوم فى حياة عضو

مشاركة بواسطة الأمير الحائر »

عبيطة ايه بس يا أحمد دى بجد فكرة هايلة صورة وعشان كده انا هأكون أول المشاركين لأنى بحب المواضيع اللى بتخلى لواحد يفتكر ويفكر فى الماضى...
نبدأ باليوم الحزين الأول...هو كان يوم عيد ميلادى...يوم 11 شهر 8
مش فاكر بالظبط كان انهى عيد ميلاد لأنه من زمان أوى وكان عندى حوالى 15 سنة تقريبا...يومها كنت لوحدى..بمعنى كلمة لوحدى...يعنى ماكانش فيه أصحاب..ولاعيلة...كنت لوحدى فعلا...وكان فيه كذا حاجة فى حياتى مضايقانى...ومع انى عمرى ماتعودت اعمل عيد ميلاد من ساعة ماكبرت بس اليوم ده بالذات كان نفسى ترجع لمة زمان واحنا أطفال لما كنا بنعمل عيد ميلاد يتجمع فيه العيلة كلها من كل المحافظات...يتجمعو كلهم فى يوم واحد فى بيت واحد اللى هو بيت العيلة ويغنوا سوا ويفرحوا...بجد بغض النظر عن كونه عيد ميلاد...اللمة دى نفسها كانت اللى بتفرحنى فى اليوم ده...وعشان كده كنت بأستنى عشانها عيد ميلادى وأنا طفل...لحد ماكبرت وماعادش فيه حاجة من دى وكله انشغل فى حياته ومشاكله وماعدش فيه لمة ولافرحة...نرجع لليوم ده بالذات..كنت لوحدى وعشان كده مالقتش غير قلمى وكتبت..كتبت قصة قصيرة اسمها ( عيد الميلاد الأخير )...تخيلت فيها شخص تانى غيرى ...يوم عيد ميلاده...ومع اللمة الللى حواليه بس كان صحابه بعيد عنه...كانت قصة حلوة مع انى ماعرضتهاش كتير فى اى حتة لأن اخرها كان حزين وغامض مع بعض التشائم...فبأسيبها دايما ضمن كتاباتى الخاصة بيا رغم ان المرة الوحيدة اللى نشرتها فى موقع خدت جايزة أفضل قصة للأسبوع عليها! هم يبكى وهم يضحك صورة

نيجى لليوم المفرح...ده بالذات فاكره...يوم 10 10 2002 صورة أول يوم مسكت فيه قلم وكتبت أول خاطرة ليا بعنوان ( بين حبك وكرامتى ) كان موقف حقيقى مريت بيه و كان أول مرة أعرف يعنى ايه لما ابقى زعلان امسك قلم واكتب...وعرفت يوميها بس قد ايه ممكن الكتابة دى تبقى مهمة وكمان تساعد الإنسان انه يطلع من حزنه...والحزن ده زى مابقول دايما... أحيانا مايخلق الحزن الإبداع...وبعدها ابتديت اكتب كل حاجة احسها على الورق...وابتديت اقرا كتب أدبية كتيرة...وأقرا كتب مهمة عن كيفية كتابة القصص وقواعدها...عن الأسلوب الأدبى...وعن الخيال والتصور ورسم الأبطال فى خيال القارئ ...وابتدى ده يطور من كتابتى لحد مادخلت فى عالم النت والحمد لله خدت المفيد منه وابتديت أشارك فى مواقع أدبية كتير أخرها وبقى الوحيد حاليا بدون منازع...أكاديميتنا...وكل ده كانت بدايته يوم 10 10 2002 ..... وده بجد أجمل يوم فى عمرى...
بجد بشكرك يا أحمد على موضوعك اللى فكرنى بأجمل ذكريات عندى صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: يوم فى حياة عضو

مشاركة بواسطة المهاجر »

والله كنت متأكد انك أول واحد هيرد على موضوع وربنا يجعل ايامك كلها افراح أنا بقى هستنى يا معلم بقيت الشلة
صورة العضو الرمزية
همسه
مشرفة قسمى الشعر, كلام فى الحب
مشاركات: 119
اشترك في: 05 نوفمبر 2008, 8:02 pm
Real Name: آيه الشحات أحمد
Favorite Quote: اطلبوا اللعلم من المهد الى اللحد
verification: ID verified and trusted writer
مكان: مصر

Re: يوم فى حياة عضو

مشاركة بواسطة همسه »

ايه الموضوع الجميل ده يااحمد والله هايلصورة
انا بقى اليوم اللى عمرى ما انساه طول حياتى واليوم الحزين فى عمرى كله هو3\7\2007 فى اليوم ده انا خلصت اخر يوم من ايام الجاهليه(الثانويه العامه) وكنت راجعه فرحانه والدنيا مش سيعانى خلصت الثانوه وداخله على الكليه زساعة ما وصلت البيت لقيت ماما قاعده زعلانه فيه ايه ياماما جدك تعب وبابا اخده على المستشفى ومفيش بعدها بدقايق الا ولقيت بابا بيتصل بينا وبيقول البقاء لله وكانت دى بالنسبه لى صدمه لان جدى ابو بابا ده كنت بحبه اوى اوى علشان كده ده يوم عمرى ماانساه.
اما بقى اليوم الكويس كان يوم5\11\2008 فى اليوم ده كان اول اشتراك ليه فى منتدى ثقافى وهو اشتراكى فى الاكاديميه وبجد كنت سعيده اوى لان فيه حد هيشوف الحاجات اللى انا بكتبها وهيعلق عليها.... واللى فرحنى اكتر انى اتعرفت على اصحاب كتيره جميله ولذيذه زيكم كلكم كل اللى فى الاكاديميهصورة
همسه
صورة العضو الرمزية
ابن مصر
أكاديمى نشيط
أكاديمى نشيط
مشاركات: 261
اشترك في: 04 نوفمبر 2008, 2:47 pm

Re: يوم فى حياة عضو

مشاركة بواسطة ابن مصر »

انا بصراحة مش عارف يمكن ان نكدى شوية صح ما علينا .
بص يا احمد اسوء يوم فى حياتى هو يوم وصول خبر و فاة والدى بجد كان يوم لن انساه كنت قبل هذا اليوم قد منعتنا المستشفى لؤية ابى لمدة اسبوع و بصراحة انا كنت متوقع الوفاة بس كنت بتمنى انها لا تحدث لكن للاسف بعد مرور الاسبوع فوجئت باتصال يعلمنا بوفاةوالدى و بجد انا مش عارف انا استحملت الخبرده ازاى و بزات انى كنت فى اولى ثانوى و الوفاة حدثت قبل الامتحانات بكام يوم و انا الولد الوحيد على بنتين تخيلوا يبقا احساسكوا ايه ما علينا صدعتكوا صح
اليوم الحلو هو يوم هو يومين يوم زواج كلن من اخوتى البنات بجد حسيت براحة شديدة وبفرحة غامرة و الحمد لله على كل شىء
ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------

صورة
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: يوم فى حياة عضو

مشاركة بواسطة تنهيدة »

موضوع جميل جددددددددا يأحمد بشكرك علية
طبعا فى حياة كل واحد فينا أيام كتيره حزينة لكن حأقولكم على أكتر يوم وهو يوم مافرقت أعز أصدقائى وكان الأ أمر من الفراق انى حسيت انها نسيتنى والمشكلة الأكبر ان اليوم دة اتكرر بعد كدة كتير فى حياتى مع الا اعز من صديقتى ...
اما أكتر ايام سعيدة بحبها فى حياتى يوم راس السنة وبحبة لسببين الأول ان فية عيدميلاد أعز الناس الى قلبى وهى أمى والتانى ان اليوم دة بيدينى امل جديد بقدر اعيش بالأمل دة باقى السنةصورةواكيد فى حياتنا ايام كتيرة حزينة بس احنا اصلا مبنحبش نفتكره والفرح الا فى حايتنا قليل فالحزن بينسهولنا بسرعةصورة
صورة
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: يوم فى حياة عضو

مشاركة بواسطة المهاجر »

والله مش عارف اقولكم ايه عن الاستجابة للموضوع دى انا بقى هتكلم عن يوم فى حياتى

اليوم الحزين : هما اربع ايام وانا قولتهم فى موضوع امتحان تعارف للاعضاء بتاع الامير وليد الحائر
وهقولهم تانى
1- يوم وفاة ابن خالتى
2-يوم وفاة عمى
3- يوم وفاة بنت عمى
4- يوم دخول اختى العناية المركزة

اليوم السعيد بقى : برضه كذا يوم
1- يوم ما قدرت اعوض مجموع تانية ثانوى ال65 فى المية ب93 فى المية فى ثالثة ثانوى
2- يوم ما اشتريت الكمبيوتر بتاعى سنة 2000 واللى لسة ما غيرتوش لحد دلوقتى وشغال مية مية (اصيل وربنا) لاحسن يهنج ولا حاجة
أضف رد جديد

العودة إلى ”المناقشات العامة“