ليه الخطوبه احلى من الجواز

للكتابات و المناقشات حول الحب, ليس بمفهومه الرومانسى فقط, ولكن بمفهومه الواسع فى كل حياتنا, والحديث عن المشاكل والعقبات التى تواجه هذا الحب وكيفية التغلب عليها.

المشرفون: محمد محمود،المهاجر،همسه

أضف رد جديد
خالد
أكاديمى فعال
أكاديمى فعال
مشاركات: 29
اشترك في: 06 نوفمبر 2008, 7:21 pm
Favorite Quote: اذا لم تستطع الامتناع عن خطأ فلا تمتنع عن صواب
مكان: مصر

ليه الخطوبه احلى من الجواز

مشاركة بواسطة خالد »

انا بجد فى حاجه محيرانى00
ليه دايما الخطوبه والارتباط او الفتره اللى قبل الزواج
بتكون احلى من الحياه بعد الزواج وعلى فكره ده مش كلامى
ده كلام ناس مروا بالتجربه كامله ولما سألتهم كل واحد كان له رد مختلف
بس انا مش هاقول وجهة نظر حد الا لما اشوف راى اعضاء الأكاديميه
وعلى فكره انا خاطب بقالى سنه وانشاء الله دى اخر سنه ليه فى الكليه
وناوى اول ما اشتغل ابدأ فى الحوارات اللى انتوا عارفينها اللى قبل الزواج
عشان كده الموضوع ده شاغلنى مع انى مرتبط عن حب
ياريت تساعدونى برأيكم
خالد محمد عزب
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: ليه الخطوبه احلى من الجواز

مشاركة بواسطة الأمير الحائر »

والله يا خالد الإجابة بسيطة جدا وهو ان احنا هنا بنعتبر الجواز هو النهاية الطبيعية للحب وتقريبا قلب معانا المعنى المجازى ده لمعنى حقيقى من كتر مابنسمعه ونستخدمه...
يعنى بقينا بنحب عشان نجوز...مش العكس...يعنى خلاص احنا اتجوزنا بعد قصة حب جميلة...ايه بقى؟صورة مافيش خلاص...خلصت قصة الحب الجميلة وابتدت قصة الجواز بقى والارتباط والمسئولية وبعدين ييجى الأولاد وتبدأ المسئولية تزيد وفى وسط مشاغل الحياة يبقى حتى الحب حاجة ثانوية...لكن فى الخطوبة...بتفكر فى أى حاجة من دى؟ طبعا لأ ففاضى للحب! فاهمنى؟ وبعد كده ييجى الجواز ولاحد يبقى فاضى.....
بس طبعا يا خالد دى مش قاعدة...وانت اللى ممكن تحدد مسار قصة الحب دى وانتهائها بالجواز ولا لأ...يعنى تخلق قصة حب جديدة تبدأ من الجواز زى ما كان فيه قصة حب بدأت بالخطوبة ومن قبلها...عشان ماتخليش الجواز هو نهاية الحب....وبجد بتنمالك التوفيق من قلبى يا خالد فى حياتك العملية والأسرية ان شاء الله...صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
همسه
مشرفة قسمى الشعر, كلام فى الحب
مشاركات: 119
اشترك في: 05 نوفمبر 2008, 8:02 pm
Real Name: آيه الشحات أحمد
Favorite Quote: اطلبوا اللعلم من المهد الى اللحد
verification: ID verified and trusted writer
مكان: مصر

Re: ليه الخطوبه احلى من الجواز

مشاركة بواسطة همسه »

على فكره مش قاعده ياخالد ان الحب الموجود فى فترة الخطوبه بينتهى عند الجواز فيه ناس كده وناس كده بس انا عن نفسى لما اتخطب ان شاء الله واتجوز اقدر بايدى اخلى زوجى يحبنى اكتر من فترة الخطوبه بحاجات هى واجبه عليه ولازم تتنفذ يعنى احسسه كده ان هو ملك وانا تحت رجليه هو يامر وانا انفذ مااجادلش معاه كتير اعرف هو بيتضايق من ايه وابعد عن الحاجه دى واعرف هو بيحب واعمله الحاجه دى اخلى البيت فيه جو من الحب يساعده على انه يحب بيته ومراته ده بايد اى واحده عايزه تفتح بيت ميدخلهوش غير الحب والسعاده بس
فيه بقى بنات بعد الجواز ممكن تكون متجوزه عن حب بس بتتفنن ازاى تعكنن على اجوازها كتير يدوا ودانهم لامهاتهم والناس اللى بره مع ان المفروض ان دى اسرار بيت محدش بتدخل فيها دى وجهة نظرى والنهج اللى همشى عليه ان شاء الله بس ياريت اكون افدتك ومتنساش تبقى تعزمنى على الفرحصورة
همسه
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: ليه الخطوبه احلى من الجواز

مشاركة بواسطة تنهيدة »

كويس ياخالد انك اتكلمت فى الموضوع ده عشان هو فعلا موضوع مهم جدا
انا راى ان المشكلة فينا أحنا لا فى الحب ولا الجواز الحب أكبر نعمه للأنسان والجوزا هو تتويج لأى علاقة شريفة احنا الا غيرنا المعانى خلينا فترة الخطوبة فترة من التمثيل مابين الطرفين كل واحد بيتجمل لتانى ومش بيظهر بصورته الحقييقة مش بنكون صادقين فعشان كدة بنتصدم فى بعض بعد الجواز لما كل واحد بيظهر عيوبة لتانى من خلال عشرتهم مع بعض والسبب التانى ان احنا شافين الجواز سجن لابد منه لكن لو فهمنا ان الجواز علاقة موده ورحمه ما بين اتنين حنحب الجواز ومش حنحس انه قفص واحنا محبوسين فيه ولازم كل ست وكل راجل ميخلوش حياتهم روتينة عشان هو دة الا بيكرهم فى الحياة الزوجية وهو دة راىصورة
انا كمان بتمنالك ياخالد حياة موفقةصورة
صورة
صورة العضو الرمزية
ابن مصر
أكاديمى نشيط
أكاديمى نشيط
مشاركات: 261
اشترك في: 04 نوفمبر 2008, 2:47 pm

Re: ليه الخطوبه احلى من الجواز

مشاركة بواسطة ابن مصر »

بصراحة يا شباب انا عندى راى بس يمكن فى كثير يشوفوه غلط انا راى ان الخطوبة بتكون افضل من الزواج بسبب المسئولية حيث ان الشاب فى الخطوبة يكون غير متحمل اى مسئولية بالعكس يكون عايش حياته بيخرج مع خطبته و كلام حلو و الحياة وردى لكن بعد الزواج تبدا المسئوليات الى طبعا كلنا عرفنها فلذلك بتكون الخطوبة افضل من الزواج
ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------

صورة
أضف رد جديد

العودة إلى ”كلمات عن الحب...“