أغنية بعنوان(يبقى مين)

لكتابات الأطفال تحت 13 سنة, وكذلك أعمال الكبار الموجهة إلى الأطفال.

المشرف: تنهيدة

قوانين المنتدى
هذا القسم مخصص لتشجيع الأطفال على الكتابة, وكذلك لتشجيع أدب الطفل من جانب الأعضاء, يمكن للأطفال كتابة أعمالهم هنا بكل حرية من خواطر أو أشعار أو قصص أو مشاكل تواجهم فى حياتهم اليومية والدراسية. و الكتابة عن أرائهم البسيطة فى قضايا العالم المحيط بهم وأحلامهم للمستقبل, ننصح كل الأعضاء بتشجيع الأطفال المحيطين بهم على الكتابة والتعبير عن أنفسهم وأحلامهم بالكتابة.
أضف رد جديد
مسعدعبدالمعزأحمد
أكاديمى فعال
أكاديمى فعال
مشاركات: 20
اشترك في: 03 نوفمبر 2008, 7:06 am

أغنية بعنوان(يبقى مين)

مشاركة بواسطة مسعدعبدالمعزأحمد »

مين هيبقى أسد كبير وألا تعلب
وألامين فوق الشجر يقفز ويلعب
يبقى مين
تبقى مين هيه الزرافه واللطافه
هيه مين
الطويل قبل القصير والرفيع والسمين
يبقى مين
مين هيبقى نمر كاسر
من بعيد أو من قريب
مين هيبقى له مخالب
زى ديب
يبقى مين
مين هيبقى ديدبان
وألا شى حا أوحصان
معزه جايز
أيوه جايز
فيل وحايس
برضه جايز
وألا جايزيبقى برضه العبان
يبقى مين**يبقى مين
******
مع وافر تحياتى
الشاعروالمؤلف المسرحى
مسعدالدوينى
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: أغنية بعنوان(يبقى مين)

مشاركة بواسطة الأمير الحائر »

فكرة جميلة جدا مع انى مش عارف اذا كان هيوصل للأطفال المعنى اللى حضرتك عايز توصله عن غابة البشر لأنها مناسبة للكبار أكتر...بس بحييك على الفكرة جدا يا أستاذ مسعد...
أنا بس ليا عتاب بسيط جدا على حضرتك..وأسف التلميذ بردو ليه حق يعاتب أستاذه من حبه ليه....عاتب على حضرتك انك مابتنقلش لينا خبرتك بالرد على مواضيعنا...يعنى لأن حضرتك أكيد لما ترد على أعمال الناس المبتدئة أو الهواة أو حتى اللى بيكتبو كويس أكيد هتزيدهم خبرة...فياريت نشوف من حضرتك ردود ونقد على الأعمال الأدبية زى ماكلنا بنقرا لبعض وبندى رأينا لبعض مع خبرتنا البسيطة.
وأتمنى إنى أكون قدرت أوصل عتابى بأسلوب كويس لأستاذ بنعتز بيه ونحترمه جدا صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
همسه
مشرفة قسمى الشعر, كلام فى الحب
مشاركات: 119
اشترك في: 05 نوفمبر 2008, 8:02 pm
Real Name: آيه الشحات أحمد
Favorite Quote: اطلبوا اللعلم من المهد الى اللحد
verification: ID verified and trusted writer
مكان: مصر

Re: أغنية بعنوان(يبقى مين)

مشاركة بواسطة همسه »

متألق كالعاده ياستاذ مسعد حاجه جمله قوى منك ان حضرتك تشجع الاطفال كدهصورة انا باانضم لوليد فى رايه وهو ان حضرتك تدينا رايك فى الحاجات اللى بنكتبها فى الاكاديميه وياريت حضرتك توافق على الاقتراح كدهصورة
همسه
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: أغنية بعنوان(يبقى مين)

مشاركة بواسطة تنهيدة »

حلوه أوى الأغنية ياستاذ مسعد انا بحب جدا اى شىء يكون موجهه للاطفال ولو طبعا يكون الشىء ده من حضرتك زى الاغنيه الجميلة دة فطبعا ححبه اكتر واكتر صورة
انا كنت عايزه اكلمك فعلا فى موضوع الردود لكن بصراحة كنت مكسوفة لكن طالما وليد اتكلم فيه فانا طبعا اتمنى انك تضيف لينا من خبرتك بردودك على مواضعنا صورة
صورة
مسعدعبدالمعزأحمد
أكاديمى فعال
أكاديمى فعال
مشاركات: 20
اشترك في: 03 نوفمبر 2008, 7:06 am

Re: أغنية بعنوان(يبقى مين)

مشاركة بواسطة مسعدعبدالمعزأحمد »

طبعا أنا باشكركم جميعا
كلكم ذوق
وعايز أقولكم
أن الموضوع اللى بيعجبنى بأرد عليه
وعلشان أرد على كل الأعمال اللى بتقدم
صعب جدا
لأنى هفضل طول اليوم قدام الكمبيوتر
ماهو المواضيع مبتخلصش
لكن عايز أقولكم حاجه
أى عمل فيه فكر وروح وأحساس
شعر أو زجل أو مسرح أو أوبريت
أو قصه أو نثر
طبعا بأحييى كاتبه
وبخصوص الشعر
فأنا قد أطلعت على بعض ماكتبتوه
وتبقى الخبره والفكره والأحساس العميق
ولابد من القراءه مرة وألف للشعراء
فصحى كانوا أو عاميه
وأنا قرأت وتتلمذت على شعراءنا الكبار
منهم على سبيل المثال(صلاح جاهين وأحمدفؤاد نجم
والأبنودى وفؤاد حداد وبيرم التونسى وغيرهم كثيرون)
وقرأت الشعر الجاهلى وعلى سبيل المثال(المتنبى وأبو العلاء المعرى
وعنتره وأمرؤ القيس وغيرهم كثيرون)
ثم كنت أنا وأعوذ بالله من قول أنا
كان منن الضرورى أن أنهج نهجى
أن تكون لى بصمتى الخاصه
وحين تقرأون لى وأرجو أن تقرأوا القصائد أكثر من مره
وتتعلموا كيف يكون الوزن وكيف تكون الفكره
وكيف يكون السياق والكلمه فى مكانهم الصحيح
المفردات اللغويه مهمه جدا لأنها ستميزك عن الأخرين
والشعر ليس مجرد أن أرص كلام أخره قافيه لا لا
أين الصور الجماليه
أين جمال التناول
أين الوزن
لذلك تواجدت معكم حتى نتعلم ونفهم وندرس
كتبت لكم جميعا وليس لشخص بعينه
القصيده والأغنيه وكتبت للطفل
ولدى فنون أخرى لم أكتبها بعد
مثل الأستعراض والأوبريت والمسرحيه
فأرجو منكم القراءه ثم القراءه ثم القراءه
تقبلوا منى كل الحب
وكل الأمنيات الطيبه
ومنتظر ردودكم وهذا يسعدنى جدا
أن نتناقش سويا
أشكركم
الشاعروالمؤلف المسرحى
مسعدالدوينى
أضف رد جديد

العودة إلى ”أدب الأطفال“