لسة ما ذاكرتش

[المهاجر]

لسة ما ذاكرتش والامتحان على الباب

ونفسى مش عايزة تذاكر لو حتى باب

يا ريتنى احترمت ونفسى وفتحت كتاب

لكن يوم الامتحان يكرم المرء او يلحس التراب

لسة ما ذاكرتش والامتحان على الباب

دعيت مين خلق الطالب والمراقب

وقولت يا رب ابويا هيودينى ورا السحاب

ابويا فى البيت عاملى كارت ارهاب

يا ويلى لو ما نجحتش هتبقى ليلتى هباب

يا رب ما اكونش بعد الامتحان سراب

لسة ما ذاكرتش والامتحان على الباب

اروح الاقى المدرج مولع والولعة ماسكة الباب

والدكتور يقول مبارك يا ولاد ما فيش حساب

وانا ارجع البيت لابويا يا آبا الولعة ماسكة الباب

يقولى معلش يا ابنى ما لكش فى الامتياز نصيب

اققول فى نفسى نصيب دا انا كنت هبيع انابيب

زى زى كل الشباب اللى عامل فيها حبيب

داير طول السنة لف مع البنات على الكافتيريات

من تجارة لحقوق حتى ما سابوش التربيات

آه يا عينى يا آبا يا غلبان عايش عصر الامتيازات

لسة ما ذاكرتش والامتحان على الباب

وابويا فى البيت عاملى ارهاب

[الأمير الحائر]

روح زاكرلك كلمتين أحسن يا أحمد بصراحة عشان ماابقاش منافق مش حاسس الخاطرة دى يا أحمد سواء كفكرة أو أسلوب...ومش زى باقى أعمالك لما بتكتب عن حاجة واقعية...الظاهر ضغط المذاكرة مأثر ربنا يوفقك يا أحمد ان شاء الله وتنجح من غير ما المدرج يولع

[هبة الله محمد]

والله حلوة..عجبتني قوي بالذات موضوع باباك اللي واقف على الباب دا..وأكيد كل الطلبة نفسهم يقولوا الكلمتين دول.

وترتني من جو الامتحانات ده..منك لله..

[لارا]

هههههههههههههههههههههههههههههه.لذيذه خالص.عمله زى اشعار على سلامه