المواضيع التى لم يرد عليها | عرض المواضيع النشطة التوقيت الحالى 16 يوليو 2018, 12:30 pm





الرد على الموضوع  [ 8 مشاركة ] 

Share |


لا إستسلام .... اقتراح لعدم الغاء المسابقة 
الكاتب رسالة
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة لا إستسلام .... اقتراح لعدم الغاء المسابقة


السلام عليكم

الادارة الكريمة والاعضاء الكرام

تحياتى ليكم
بداية لا اريد ان اظهر روح التشاؤم الظاهرة على الجميع بسبب اعلان الغاء مسابقة العام الثانى ، لان فيه مثل مصرى يقول الضربة التى لا تقتلنى تقوينى ، والاكاديمية والمسابقة اتعملت للاعضاء ومعلش انا هتكلم عامى شوية لان الموضوع واضح انه عامل حزن كبير وممكن يكون سبب فى فشل هدف الاكاديمية ، وزى ما قولت الاكاديمية والمسابقة اتعملت للاعضاء مش للجنة التحكيم ومش هتنجح الاكاديمية او المسابقة بشكل خاص غير بالاعضاء الاعضاء هما اللى بيقدموا الاعمال وهما اللى بيكتبوا فى الاكاديمية وعلشان كدا أنا بقترح الآتى :-
1- استمرار المسابقة كما هى بنفس نظامها مع استبعاد لجنة التحكيم ويكون التحكيم من الاعضاء عن طريق التصويت والعضو اللى يكون ليه عمل مقدم يتم استبعاده من التصويت ويتم عمل قسم اعمال المسابقة ويتكتب فيه موضوع من الادارة باسم العمل والعمل وصاحب العمل ويتاح فيه خيار التصويت لباقى الاعضاء ويتم حذر الايى بى الخاص بالعضو صاحب العمل خلال فترة التصويت من كتابة مواضيع او رد او طريقة اخرى غير الاستبعاد الاى بى
2- نقوم بعد التصويت بتجميع افضل الاعمال والتصويت لاختيار افضل 3 اعمال الاول والثانى والثالث ويفضل الصندوق الزجاجى زى ما هو وتقوم الادارة باخذ رأى بعد الاساتذه اللى تجاوبوا مع المسابقة من البداية عن طريق اليد او اى وسيلة غير دخول الاساتذة للاكاديمية بسبب عدم وجود الوقت لهم


اقتراح آخر :- وهو ان المسابقة تكون غير مالية مثلاً ونحاول نشر الاعمال الفائزة فى احد الجرائد المشهورة ودا يكون حافز اكبر من المال على ما اظن


فى النهاية مستنى ارائكم واقتراحاتكم

ودمتم فى خير

سلام عليكم

_________________


02 مارس 2010, 7:50 pm
الملف الشخصى Yahoo الموقع الشخصي
أكاديمى نشيط
أكاديمى نشيط

الصورة الشخصية للعضو

مشاركات:
136
الإسم الحقيقى:
منى متولى
الحكمة المفضلة:
انتظار الفرج عبادة
حالة التأكيد:
كاتب موثوق و مؤكد هويته
مشاركة Re: لا إستسلام .... اقتراح لعدم الغاء المسابقة



شكرا لك يا مهاجر
وانا باضم صوتي إلى صوتك



المسابقة فعلا عامل تشجيع كبيرين لنا كلنا



وياريت تستمر

_________________

يابنى نصحتك لما صوتى اتنبح



ماتخافش من جنى ولا من شبح



وإن هب فيك عفريت قتيل إسأله



مدافعش ليه عن نفسه يوم مااندبح



وعجبى

لازلت أعرف ان الشوق معصيتى *^* و العشق والله ذنب لست أخفيه


02 مارس 2010, 8:50 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: لا إستسلام .... اقتراح لعدم الغاء المسابقة


روح قتالية هايلة ... و أسلوب حماسي جميل جدا :)

طبعا كلمة : الغاء محبطة جدا و تشاؤمية فعلا ، بس واضح انها كانت بسبب الضغوط و الإحساس بالمسؤولية ، و الأفضل كتير كلمة ( تأجيل )

و المسابقة فعلا بتمثل عامل جذب و حركة في الأعضاء و المواضيع ، و بتلعب دور في تطوير أساليب الأعضاء و دفعهم للأفضل و الله أعلم

و بالنسبة لاقتراحك اللي انت كنت منظم جدا في عرضه ، فهو في نقطتين :

الأولى : باعترض عليها تماماً ! لأن التصويت أكيد هيبقى فيه مجاملات و قراءات انطباعية يعني مالهاش علاقة تقريبا بالتقييم الأدبي و أعتقد ده مش هيبقى مفيد للكاتب نفسه.
لكن أنا كنت باحاول أدعو أساتذة و بعض الكتّاب و أعتقد بس انهم بيتخوّفوا من المسؤولية و الالتزام الشهري ، لكن أتمنى كلنا نحاول تاني و لما يزيد العدد أعتقد العبء هيقل إن شاء الله ( يعني ممكن يكون فيه جدول لتنظيم تقييمهم للأعمال بشكل مريح إن شاء الله )

الثانية : فكرة النشر هايلة جدا ، بس بدل الجريدة إيه رأيك : يكون طباعة مجموعة قصصية أو إبداعية أو روايات للفائزين أو المتميزين كل فترة معينة يعني بشكل دوري، و بدل ما تكون الجايزة مالية تكون بالنشر + التوزيع و الإعلان عن الكتب دي ، و ده في حد ذاته هيكون مكافأة جميلة جداً و عامل محفّز على الإبداع

و ممكن حاجة كمان : يكون فيه إصدار موسمي خاص بالأكاديمية ، يعني مجلة مثلاً ؛ الكترونية ... أو حتى مطبوعة .

يعني الجايزة تكون عبارة عن نشر جماعي دوري لإبداعات كتّاب الأكاديمية .

في النهاية : باشكرك بجد يا أحمد على الروح الجميلة دي

و أعتقد في جميع الأحوال ممكن يكون فيه نوع من الإستراحة و إعادة شحن الهمم للجميع ، و إن شاء الله ما فيش استسلام :)

_________________




.
.
.
*** لــزيارة صــفـــحـــتــي ***


02 مارس 2010, 9:42 pm
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: لا إستسلام .... اقتراح لعدم الغاء المسابقة


mony كتب:

شكرا لك يا مهاجر
وانا باضم صوتي إلى صوتك



المسابقة فعلا عامل تشجيع كبيرين لنا كلنا



وياريت تستمر



جزاك الله خيراً يا مونى على الرد وفعلا زى ما قولتى المسابقة تشجيع للكل للابداع والتعلم من الاخطاء من خلال الكتابة فى الاكاديمية ، وكل دا لعيون المسابقة

وادى اول عضو حزب وطنى

مين قال انا جاى

_________________


03 مارس 2010, 11:49 am
الملف الشخصى Yahoo الموقع الشخصي
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: لا إستسلام .... اقتراح لعدم الغاء المسابقة


Ghadat2009 كتب:
روح قتالية هايلة ... و أسلوب حماسي جميل جدا :)

طبعا كلمة : الغاء محبطة جدا و تشاؤمية فعلا ، بس واضح انها كانت بسبب الضغوط و الإحساس بالمسؤولية ، و الأفضل كتير كلمة ( تأجيل )

و المسابقة فعلا بتمثل عامل جذب و حركة في الأعضاء و المواضيع ، و بتلعب دور في تطوير أساليب الأعضاء و دفعهم للأفضل و الله أعلم

و بالنسبة لاقتراحك اللي انت كنت منظم جدا في عرضه ، فهو في نقطتين :

الأولى : باعترض عليها تماماً ! لأن التصويت أكيد هيبقى فيه مجاملات و قراءات انطباعية يعني مالهاش علاقة تقريبا بالتقييم الأدبي و أعتقد ده مش هيبقى مفيد للكاتب نفسه.
لكن أنا كنت باحاول أدعو أساتذة و بعض الكتّاب و أعتقد بس انهم بيتخوّفوا من المسؤولية و الالتزام الشهري ، لكن أتمنى كلنا نحاول تاني و لما يزيد العدد أعتقد العبء هيقل إن شاء الله ( يعني ممكن يكون فيه جدول لتنظيم تقييمهم للأعمال بشكل مريح إن شاء الله )

الثانية : فكرة النشر هايلة جدا ، بس بدل الجريدة إيه رأيك : يكون طباعة مجموعة قصصية أو إبداعية أو روايات للفائزين أو المتميزين كل فترة معينة يعني بشكل دوري، و بدل ما تكون الجايزة مالية تكون بالنشر + التوزيع و الإعلان عن الكتب دي ، و ده في حد ذاته هيكون مكافأة جميلة جداً و عامل محفّز على الإبداع

و ممكن حاجة كمان : يكون فيه إصدار موسمي خاص بالأكاديمية ، يعني مجلة مثلاً ؛ الكترونية ... أو حتى مطبوعة .

يعني الجايزة تكون عبارة عن نشر جماعي دوري لإبداعات كتّاب الأكاديمية .

في النهاية : باشكرك بجد يا أحمد على الروح الجميلة دي

و أعتقد في جميع الأحوال ممكن يكون فيه نوع من الإستراحة و إعادة شحن الهمم للجميع ، و إن شاء الله ما فيش استسلام :)



بصراحة يا غادة انتى حيرتينى الاقتراح الاول معارضة والثانى وطنى

وضحيلنا بقى انتى وطنى ولا معارضة ولا خليط علشان نعمل حسابنا بس

اعتز برايك جداً يا غادة وفى الاقتراح الاول اعتقد هو ممكن يحصل كدا ولكن حينما يكون كل انسان فى حاجة الى النقد اعتقد انه لما يكون فى نفس الحاجة للنقد هيبدى رأيه بشكل منطقى ( ولا انتى تقصدى التربيطات من تحت الترابيزة ) ما علينا ، هو دى نقطة سلبية ولكن يمكن تلافيها بحاجات كتير ويا ريت نفكر فيها لان مش حاضرنى حاجة دلوقتى ، غير اننا نخلى كل واحد يصوت يقول ( والله العظيم اقول الحق تلات مرات )

بالنسبة للاقتراح التانى اللى يرجع لزمان فى بداية الاكاديمية هيلاقى الفكرة بتاعة النشر دى موجودة وكانت ان الاعضاء يشتركوا فى عمل ادبى يتم نشره باسم الاكاديمية واسم الاعضاء المشتركين فيه واعتقد الفكرة فيها تشابه كبير ان ما كانتش هى ( ما حدش يقولى حقوق الملكية الفكرية ، خلونا حلوين مع بعض )

_________________


03 مارس 2010, 11:54 am
الملف الشخصى Yahoo الموقع الشخصي
أكاديمى نشيط
أكاديمى نشيط

الصورة الشخصية للعضو

مشاركات:
175
الإسم الحقيقى:
هبة محمود خميس
الحكمة المفضلة:
قل لي من تعاشر اقل لك من انت فان من يقضي الليل في المستنقع استيقظ صديقا للضفدع
حالة التأكيد:
كاتب موثوق و مؤكد هويته
مشاركة Re: لا إستسلام .... اقتراح لعدم الغاء المسابقة


فكرة حلوة
بس راي غادة افضل بالنسبة لي


thi1 thi1
بصوا انا اعرف كتاب كتير فيه منهم كتاب كبار زي استاذ ابراهيم عبد المجيد مثلا vi2
فيه كتاب معندهمش اي مانع انهم يكونوا لجنة تحكيم
بس بنظام المسابقة العادي هيبقى صعب
لانها هتبقى حمل كبير على لجنة التحكيم
من رايي ان المسابقة تقسم السنة على 3
اقسام
قسم للقصة
قسم للشعر و قسم للخاطرة
و ممكن نعملها اربع اقسام و الرابع يبقى الرواية
و بكدة مش هتبقى صعبة على لجنة تحكيم خالص



great1
ايه رايكم؟؟؟؟؟؟؟؟؟؟؟؟؟

_________________
http://www.khawaterkamar.blogspot.com/


03 مارس 2010, 5:00 pm
الملف الشخصى
أكاديمى نشيط
أكاديمى نشيط


مشاركات:
173
مكان:
مصر
الحكمة المفضلة:
لا تنس ذكر الله
مشاركة Re: لا إستسلام .... اقتراح لعدم الغاء المسابقة


شكرا لك أخي " مهاجر " على اهتمامك بالمسابقة و حرصك أن تستمر

أؤيد ما ذهبت إليه بشدة و هذا ما أتمنّاه أيضا أن تستمر المسابقة سواء على صورتها الحالية
أو بصور أخرى ، كما يقترح الإخوان هنا ..
و لإدارة المنتدى وافر الاحترام و التقدير

_________________
حسبنا الله و نعم الوكيل !


03 مارس 2010, 6:45 pm
الملف الشخصى Yahoo
أكاديمى نشيط
أكاديمى نشيط

الصورة الشخصية للعضو

مشاركات:
123
مكان:
الإسكندرية
الإسم الحقيقى:
أسماء مصطفى
الحكمة المفضلة:
اللهم أسترنا فوق الأرض وتحت الأرض ويوم العرض عليك
حالة التأكيد:
كاتب موثوق و مؤكد هويته
مشاركة Re: لا إستسلام .... اقتراح لعدم الغاء المسابقة


فكرة حلوة قوى موضوع التصويت من قبل الأعضاء على الأعمال طبعا مع حذف أسم كاتب العمل أثناء التصويت



و الأحلى فكرة النشر ده طبعا حتكون حافز كبيييييييييير جدا للأعضاء

ولو فتحنا باب للأفكار حلو روج المسابقة بشكل جديد وبفكر جديد


أكييييييييد حنلاقى أفكار كتير لتعود لنا المسابقة من جديد وبشكل يشجعنا أكتر وأكتر على الكتابة والأبداع

فكرة جميلة أحيك عليها


03 مارس 2010, 10:35 pm
الملف الشخصى Yahoo
عرض المشاركات السابقة منذ:  مرتبة بواسطة  
الرد على الموضوع   [ 8 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter