اللقيط ..... مذكرات إجتماعية مآساوية.... الجزء الثانى

هذا القسم لليوميات أو المذكرات المسلسلة والمكتوبة فى قالب كوميدى أو اجتماعى ساخر.

المشرف: الأمير الحائر

صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

اللقيط ..... مذكرات إجتماعية مآساوية.... الجزء الثانى

مشاركة بواسطة المهاجر »

((((الجزء الثانى )))
يطرق محمد وسارة الباب على مدير الشركة ويلقى( محمد) التحية عليه
يستدير لهم ( مدير الشركة ) على هدوء وهنا يتسمر محمد وسارة فى مكانهم
مش معقول ... احمد الخليلى .... يخربيت سنينك ..... ( يصرخ محمد فى تعجب )
مدير الشركة :- أيوة احمد الخليلى يا محمد يا عبد الفتاح 3 سنين ثانوية عامة فى مدرسة الحلم الجميل الإعدادية و 4 سنين فى كلية تجارة جامعة المستقبل .... وانتى سارة السيد زميلتنا فى الدفعة وحبيبة محمد من سنة اولى كلية لحد رابعة واديكى لسة بتحبيه لحد النهاردة
وهنا يتوقف الجميع عن الكلام .. ويستعيدوا ذكريات الماضى بحلوها ومرها .... بنجاحها وفشلها
(محمد ) إنت بتعمل أيه هنا يا ابنى ..... يرد ( أحمد فى سخرية ) شغال عامل بوفيه ، هو الاخ ما شافش اليافطة برة وللا ايه .... ولا يكونش انا اللى مش شكل مديرين
( سارة ) لا مدير غصب عن الكل يا احمد .... ( أحمد ) إيه يا بت يا سارة الزوق دا انتى هتعملى فيها واحدة جاية تتقدم لشغل بجد ولا ايه ...
( محمد ) ما انت عارفها يا عم أحمد طول عمرها واخدة العملية جد شوية ... ( احمد ) عارف ... صحيح تشربوا أيه .. محمد لسة بتشرب قهوة ولا اجبلك سجاير.... ( محمد ) لا يا عم تبت
(احمد ) وانتى يا سارة ... اقولكوا احنا نشرب كلنا نسكافيه بما إن احنا لسة على الصبح ...
وجلس الاصدقاء فى إنتظار النسكافيه واخذو ا يتحدثون عن الماضى :
( محمد) قولى بقى إنت وصلت كدا إزاى رغم انك كنت دايما تقول انا مش هشتغل فى مجال تعليمى وهشتغل فى مجال الكمبيوتر .... ( أحمد ) والله يا ابو عبد الفتاح أنا بعد ما خلصت الكلية حبيت اشتغل فى الكمبيوتر زى ما اقول ولقيت انه ما فيش مانع حاجة جمب حاجة علشان الواحد يعيش .... والحمد لله عملت مبلغ كويس وأخذت كورسات وحاجات كدا .. وكنت بقرأ فى الجرنال عن محاسبين مطلوبين للعمل فى دولة الامارات قدمت ونجحت فى الاختبار وسافرت قعدت سنتين هناك ... وبعتونى هنا أمسك فرع الشركة بتاعهم فى مصر ....
( محمد ) يعنى الشركة دى أًصلا مش مصرية ....
( احمد ) لا الشركة دى بتاعتى انا انا سبت الشركة التانية السنة اللى فاتت وفتحت الشركة دى وطلبنا محاسبين واديكو جيتوا .... ها بقى شوفت يا عم قصت كفاح ولا قصت كفاح الشعب المصرى
( محمد ) أه يا عم اتمئلس ما انت غرقت فى فلوس البترول والخليج
( سارة بشكل جدى ) طيب هنختبر امتى للوظيفة .... ( أحمد ) هههههههه يا بنتى فكيها وسيبك من شغل النظارات بتاعتك دى ... انتوا هتتعينوا من غير اختبارات يعنى هو رابع الدفعة وانتى الاولى وعايزين اختبار
( محمد ) معلش يا ابو حميد اصلها ما بتحبش الواسطة ...
( احمد ) واسطة ايه يا عم دى شركتكم تب هقولك تعالى نروح نتفرج على فرع الشركة التانى وانتى يا سارة اقعدى مكانى هنا ديرى الشركة النهاردة ..... يا الله يا عم خليها تورينا بقى مش هى عايزة اختبارات
( محمد ) تب نستنى هنا شوية ... لحسن تعك الدنيا ولا حاجة
( أحمد ) انا عايزها تعك يا عم هى شركتى ولا شركتك
( سارة ) هعك على أساس اننا مش معاية محو أمية ولا ايه
( احمد ) الله الله دى نطقت حمد الله على السلامة انتى كنتى فى غيبوبة ولا ايه
( سارة ) لا أبدا انا بس كنت مش مستوعبة المفاجأة بقى أحمد افشل واحد فى كلية تجارة يوصل لى كدا واحنا اوائل الدفعة لسة بندور على شغل لمدة 6 سنين مش معقولة ....
( أحمد ) الله أكبر عليك .... خمسة وخميسة إنتى جاية تشتغلى ولا جاية تقرى فيها ...
( سارة ) ولا أنق ولا حاجة يا عم اللى على علي ....
( احمد ) يا ساتر يا رب دا انتى طلعتى غلاوية بشكل يا الله يا عم محمد نمشى بدل ما الواحد يطب ساكت من الحسد بتاعها دا
يخرج أحمد ومحمد من المكتب متوجهين للفرع المزعوم :-
أى تليفونات ... أنا مش موجود وخلي الاستاذة مها اسماعيل تدخل للاستاذة سارة توريها نظام الشغل ( احمد مخاطباً السيكرتارية )
( محمد ) مش مهما دى البت اياها اللى انت كنت حفيت وراها علشان تمشى معاها وهى كانت دايما تقولك بحب واحد تانى .... إيه لم الشامى عالمغربى ...
( أحمد ) الدنيا يا صاحبى ... وعلى فكرة احنا مخطوبين وان شاء الله الفرح الكبير فى شهر 6 اللى جاى ...
( محمد ) انت بتتكلم جد ... مبروك يا معلم سبقتنى ماشى
الا هو فين الفرع الجديد ( محمد يسأل أحمد ) ... إنت صدقت يا عم انا لسة فاتح الشركة دى هفتح فرع جديد ... انا بس كنت بقول كدا علشان ندبس سارة فى الشغل وتحس ان الشركة شركتها بس واحنا هنروح الكافيتريا اللى كنا بنروحها ايام الكلية .... ( يرد أحمد ) ... ( محمد ) انت لسة بتروحها يا ابنى ولا ايه .... ( أحمد ) والله لسة فاكرها من يومين ولما شوفت اسمك انت وسارة فى الكشف بتاع المتقدمين للوظايف قولت استنى نيجى سوا ....
احمد ومحمد يصلا الى المكان المقصود :-
( أحمد ) مساء الخير يا عم شكرى ازى صحتك ....
( شكرى ) أهلا بالشباب ... بالاستاذ أحمد ... والاستاذ محمد ...
( محمد ) إنت لسة فاكرنا يا عم شكرى ... فيك الخير
( شكرى ) وهى دى ايام تتنسى حد ينسى الشباب اللى زى الورد زيكم كدا ..... لم يكمل عم شكرى الحديث وعم المكان صمت غريب ..... .......
تتوقعوا ماذا حدث ... هذا ما سنعرفه فى الجزء الثالث
آخر تعديل بواسطة المهاجر في 19 مارس 2009, 5:54 pm، تم التعديل مرة واحدة.
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: اللقيط ..... رواية إجتماعية .... الجزء الثانى

مشاركة بواسطة Ghadat2009 »

حلوة يا أحمد كفكرة ... إن يقابلوا صديقهم بعد الغياب ... وإنه يرحب بيهم كده ...
بس اللهجة بتاعته غريبة جدا ! صورة

يعني كل ما أندمج في الموقف و أقرب من الشخصيات ألاقي كلمة أو تعبير يصدمني!

(( يخربيت سنينك - يا بت يا سارة - ولا أجيبلك سجاير محشية !!! - اللى كنا بنضربها ورا المدرج - حفيت وراها علشان تمشى معاها !! ...الخ ))

أتمنى الملاحظات دي متكونش ضايقتك - و هدفي هو الأفضل لروايتك الواقعية الجميلة صورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: اللقيط ..... رواية إجتماعية .... الجزء الثانى

مشاركة بواسطة المهاجر »

ghadat2009 كتب:حلوة يا أحمد كفكرة ... إن يقابلوا صديقهم بعد الغياب ... وإنه يرحب بيهم كده ...
بس اللهجة بتاعته غريبة جدا ! صورة

يعني كل ما أندمج في الموقف و أقرب من الشخصيات ألاقي كلمة أو تعبير يصدمني!

(( يخربيت سنينك - يا بت يا سارة - ولا أجيبلك سجاير محشية !!! - اللى كنا بنضربها ورا المدرج - حفيت وراها علشان تمشى معاها !! ...الخ ))

أتمنى الملاحظات دي متكونش ضايقتك - و هدفي هو الأفضل لروايتك الواقعية الجميلة صورة


أنا اعتز برأيك جداً يا غادة ولكن لو تلاحظى فى الاول انا قولت ايه انهم سرحوا فى الذكريات ومعنى التعبيرات دى انهم رجعوا للماضى وان احمد بيتكلم معاهم بصفته زميل مش مدير الشركة هى يمكن التعبيرات تكون مش فى محلها ولكن انا حبيت اعبر عن واقع الشباب اليومين دول فى تعبيراتهم لان دا اغلب كلام الشباب اليومين دول ولا انتى ايه رأيك

مرة تانية تحياتى على الاستجابة السريعة
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: اللقيط ..... رواية إجتماعية .... الجزء الثانى

مشاركة بواسطة Ghadat2009 »

المهـــــاجر كتب:
أنا اعتز برأيك جداً يا غادة ولكن لو تلاحظى فى الاول انا قولت ايه انهم سرحوا فى الذكريات ومعنى التعبيرات دى انهم رجعوا للماضى وان احمد بيتكلم معاهم بصفته زميل مش مدير الشركة هى يمكن التعبيرات تكون مش فى محلها ولكن انا حبيت اعبر عن واقع الشباب اليومين دول فى تعبيراتهم لان دا اغلب كلام الشباب اليومين دول ولا انتى ايه رأيك

مرة تانية تحياتى على الاستجابة السريعة

والله يا أحمد كنت متأكدة إن دا هيكون ردك لأني معنديش شك في نيتك انشاءالله ...
بس فيه بعض شباب بيقوو أكتر من كده .... و فيه ألفاظ ماتتقالش .. وتعبيرات يعني ..صعبة جدا و أحيانا يستظرفو بشكل مستفز و منها اللي للأسف بينادو بعض بشتايم للأب كمان ! طبعا ده واقع للبعض و لكن ... هل لازم نكتبوا في الأعمال الأدبية ..؟ و بالتفصيل ؟ و لا كفاية الإشارة اليه ؟

على فكرة ..باحيي فيك الروح العالية الجميلة المتقبلة للنقد بصدر رحب و تفهم و استجابة محترمة جدا صورةصورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
ريم
أكاديمى نشيط
أكاديمى نشيط
مشاركات: 219
اشترك في: 07 مارس 2009, 1:43 pm
Favorite Quote: ((إن الله لا يغير ما بقوم حتى يغيروا ما بأنفسهم))
verification: ID verified and trusted writer
مكان: مصر

Re: اللقيط ..... رواية إجتماعية .... الجزء الثانى

مشاركة بواسطة ريم »

الأخ المهاجر الحقيقة فكرة القصة جيدة استرجاع ذكريات ...لكن اعذرني إن كان لي تعليق عليها:
أولا أنا قرأت الجزء الأول منها ولم أستطع التعليق بسبب وجود كلمات غريبة ....ثم في الجزء الثاني قررت أن أعلق فأرجو أن يكون صدرك رحب لهذا
لغة الحوارصعبة جدا... قد صدمتنيصورةصورة لأن بها كلمات كثيرة صعبة وغير مستساغة ودون المستوى أيضا..مثل(يا بت_سجائر محشية اللي كنا بنضربها!!!!أتمألس_
حفيت وراها علشان... تمشي معاها!!وكلمات تانية كثير...مع إني قرأت لك حاجات ومقالات راقية وجميلة ..أرجو أن لا تتضايق من كلامي..
صورة
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: اللقيط ..... رواية إجتماعية .... الجزء الثانى

مشاركة بواسطة المهاجر »

ghadat2009 كتب:
المهـــــاجر كتب:
أنا اعتز برأيك جداً يا غادة ولكن لو تلاحظى فى الاول انا قولت ايه انهم سرحوا فى الذكريات ومعنى التعبيرات دى انهم رجعوا للماضى وان احمد بيتكلم معاهم بصفته زميل مش مدير الشركة هى يمكن التعبيرات تكون مش فى محلها ولكن انا حبيت اعبر عن واقع الشباب اليومين دول فى تعبيراتهم لان دا اغلب كلام الشباب اليومين دول ولا انتى ايه رأيك

مرة تانية تحياتى على الاستجابة السريعة

والله يا أحمد كنت متأكدة إن دا هيكون ردك لأني معنديش شك في نيتك انشاءالله ...
بس فيه بعض شباب بيقوو أكتر من كده .... و فيه ألفاظ ماتتقالش .. وتعبيرات يعني ..صعبة جدا و أحيانا يستظرفو بشكل مستفز و منها اللي للأسف بينادو بعض بشتايم للأب كمان ! طبعا ده واقع للبعض و لكن ... هل لازم نكتبوا في الأعمال الأدبية ..؟ و بالتفصيل ؟ و لا كفاية الإشارة اليه ؟

على فكرة ..باحيي فيك الروح العالية الجميلة المتقبلة للنقد بصدر رحب و تفهم و استجابة محترمة جدا صورةصورة


لا هو انا لازم اتقبل النقد وخصوصا لانى لسة اول مرة اكتب رواية او بمعنى ادق اول رواية اعلنها وكلامك مظبوط بالنسبة للشباب لكن موضوع لازم نكتبوا بالتفصيل او نشير اليه دى بصراحة ما اعرفهاش لانى زى ما بقول انا لسة اول محاولة للاعلان عن كتابة فطبعاً اعتقد لازم يكون فيه اخطاء ومع الكتابة بعد كدا كل مرة هتقل الاخطاء الى ان تعدم نهائياً بس مش اكتر ولا اقل
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: اللقيط ..... رواية إجتماعية .... الجزء الثانى

مشاركة بواسطة المهاجر »

ريم hr4m2009 كتب:الأخ المهاجر الحقيقة فكرة القصة جيدة استرجاع ذكريات ...لكن اعذرني إن كان لي تعليق عليها:
أولا أنا قرأت الجزء الأول منها ولم أستطع التعليق بسبب وجود كلمات غريبة ....ثم في الجزء الثاني قررت أن أعلق فأرجو أن يكون صدرك رحب لهذا
لغة الحوارصعبة جدا... قد صدمتنيصورةصورة لأن بها كلمات كثيرة صعبة وغير مستساغة ودون المستوى أيضا..مثل(يا بت_سجائر محشية اللي كنا بنضربها!!!!أتمألس_
حفيت وراها علشان... تمشي معاها!!وكلمات تانية كثير...مع إني قرأت لك حاجات ومقالات راقية وجميلة ..أرجو أن لا تتضايق من كلامي..

اولا انا سعيد بمرورك جداً وبالطبع سيكون صدرى رحب للنقد ولا داعى لان اقول لك كما قلت لغادة فى ردى من اننى ما زلت فى مرحلة التعلم ولكن المثل المصرى بيقول كتر التكرار بيعلم ...... يعنى مع الوقت هيبقى فيه تحسن وان شاء الله اتمنى انها تكون اتصلحت فى رواية لحظة الحسم اللى هعلنها هنا وقت ما اخلص دى ان شاء الله وبالنسبة للكلمات فالرواية اجتماعية يعنى بتناقش حاجة فى المجتمع وبعدين الرواية اسمها اللقيط وللعلم فنا بسرد فيها كل حاجة لقيطة وغريبة عن المجتمع وليست تلك الكلمات هى المقصد ولكن هى من ضمن الاشياء اللقيطة فى مجتمعنا لانه كما معروف اللقيط من ليس له اب او ام او غير معروفين له وللناس ..... ارجو ان يكون ردى كان فيه الجواب الكافى لتعليقك
صورة العضو الرمزية
ريم
أكاديمى نشيط
أكاديمى نشيط
مشاركات: 219
اشترك في: 07 مارس 2009, 1:43 pm
Favorite Quote: ((إن الله لا يغير ما بقوم حتى يغيروا ما بأنفسهم))
verification: ID verified and trusted writer
مكان: مصر

Re: اللقيط ..... رواية إجتماعية .... الجزء الثانى

مشاركة بواسطة ريم »

المهـــــاجر كتب:
اولا انا سعيد بمرورك جداً وبالطبع سيكون صدرى رحب للنقد ولا داعى لان اقول لك كما قلت لغادة فى ردى من اننى ما زلت فى مرحلة التعلم ولكن المثل المصرى بيقول كتر التكرار بيعلم ...... يعنى مع الوقت هيبقى فيه تحسن وان شاء الله اتمنى انها تكون اتصلحت فى رواية لحظة الحسم اللى هعلنها هنا وقت ما اخلص دى ان شاء الله وبالنسبة للكلمات فالرواية اجتماعية يعنى بتناقش حاجة فى المجتمع وبعدين الرواية اسمها اللقيط وللعلم فنا بسرد فيها كل حاجة لقيطة وغريبة عن المجتمع وليست تلك الكلمات هى المقصد ولكن هى من ضمن الاشياء اللقيطة فى مجتمعنا لانه كما معروف اللقيط من ليس له اب او ام او غير معروفين له وللناس ..... ارجو ان يكون ردى كان فيه الجواب الكافى لتعليقك


أشكرك على قبول نقدي وهدفي فعلا أن يكون بناء.._حلو جدا إنك تتكلم عن كل شئ لقيط في المجتمع.. الفكرة فعلا رائعة ..لكن ممكن عرضها دون الحاجة لاستخدام هذه اللغةذاتها بل بالتلميح فقط أنهم يتحدثون بلغة سيئة أو غير راقية فتصل الفكرة دون التعرض للكلمات نفسها..اشكرك كثيرا على قبول نقدي ..وأتمنى لك التوفيق والتقدم...صورة
صورة
Dr.Sherif Magdy
لجنة التحكيم
مشاركات: 10
اشترك في: 12 ديسمبر 2008, 8:39 pm

Re: اللقيط ..... رواية إجتماعية .... الجزء الثانى

مشاركة بواسطة Dr.Sherif Magdy »

هذه هى المرة الأولى التى أقابل فيها عملا هنا بهذا الشكل, فقد كنت أقرأ الروايات هنا من شهر لأخر حسب مايسمح الوقت وأعجبت بكثير منها ولا زلت أتابعه فى كل شهر خلال أيام التحكيم رغم ضيق الوقت لكن لأول مرة أجد رواية بهذا الشكل ولا أعتقد أنه يمكن إطلاق كلمة رواية عليها
التجربة ليس معناها الخطأ وكونك أول مرة تكتب رواية أو رغبتك فى ذكر واقع لا يعطيك ذلك العذر فى ذكر كلمات مبتذلة على إنها رواية,فما الفرق إذن بين الأدب وحديث العامة فى المقاهى؟
قدمت تبليغ بتقرير عن العمل عند قرائتى له. لكن ما ادهشنى بعدها ملاحظتى تحت اسمك للقب (مشرف قسم المقالات) فالمقالات هى أكثر ما تحتاج إلى اللغة السليمة والمهذبة والمنتقاة بعناية لذا أفترض أنك تحاول تجربة نوعا جديدا من الأدب, لكن أعتقد أن إستعجالك فى ذلك جعلك تحيد عن المطلوب كثيرا.
ابنى العزيز, اتمنى لك تحسنا ادبيا مع مراعاة الصبر فى الكتابة و القراءة بعمق لأعمال كثيرة من النوع الذى ترغب فى الكتابة فيه قبل محاولة الكتابة بتسرع.
كل الأمنيات الطيبة
د شريف مجدى
أستاذ اللغة العربية بكلية الأداب جامعة المنصورة
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: اللقيط ..... رواية إجتماعية .... الجزء الثانى

مشاركة بواسطة المهاجر »

Dr.Sherif Magdy كتب:هذه هى المرة الأولى التى أقابل فيها عملا هنا بهذا الشكل, فقد كنت أقرأ الروايات هنا من شهر لأخر حسب مايسمح الوقت وأعجبت بكثير منها ولا زلت أتابعه فى كل شهر خلال أيام التحكيم رغم ضيق الوقت لكن لأول مرة أجد رواية بهذا الشكل ولا أعتقد أنه يمكن إطلاق كلمة رواية عليها
التجربة ليس معناها الخطأ وكونك أول مرة تكتب رواية أو رغبتك فى ذكر واقع لا يعطيك ذلك العذر فى ذكر كلمات مبتذلة على إنها رواية,فما الفرق إذن بين الأدب وحديث العامة فى المقاهى؟
قدمت تبليغ بتقرير عن العمل عند قرائتى له. لكن ما ادهشنى بعدها ملاحظتى تحت اسمك للقب (مشرف قسم المقالات) فالمقالات هى أكثر ما تحتاج إلى اللغة السليمة والمهذبة والمنتقاة بعناية لذا أفترض أنك تحاول تجربة نوعا جديدا من الأدب, لكن أعتقد أن إستعجالك فى ذلك جعلك تحيد عن المطلوب كثيرا.
ابنى العزيز, اتمنى لك تحسنا ادبيا مع مراعاة الصبر فى الكتابة و القراءة بعمق لأعمال كثيرة من النوع الذى ترغب فى الكتابة فيه قبل محاولة الكتابة بتسرع.
كل الأمنيات الطيبة
د شريف مجدى
أستاذ اللغة العربية بكلية الأداب جامعة المنصورة

يكفينى الشرف ان اول رد لحضرتك على احد الاعمال فى الاكاديمية يكون على عمل لى وان شاء الله سأحاول تنفيذ توصيات حضرتك وسأعيد كتابتها من بدايتها بطريقة اكثر تهذيباً من ذلك
وبالنسبة أنى مشرف قسم المقالات التى تحتاج للغة السليمة فهناك الكثير من أعمالى فى قسم المقالات ارجو من حضرتك ابداء رأيك فيها
آخر تعديل بواسطة المهاجر في 18 مارس 2009, 6:05 pm، تم التعديل مرة واحدة.
أضف رد جديد

العودة إلى ”مذكرات كوميدية“