اللقيط ..... رواية اجتماعية .... الجزء الأول

هذا القسم لليوميات أو المذكرات المسلسلة والمكتوبة فى قالب كوميدى أو اجتماعى ساخر.

المشرف: الأمير الحائر

صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

اللقيط ..... رواية اجتماعية .... الجزء الأول

مشاركة بواسطة المهاجر »

بعد معاناة كبيرة وحيرة بين الكثير من الروايات ما بين روايات حربية وروايات رومانسية وكلها محاولات بائت بالفشل جئت لكم اليوم بأول محاولاتى فى الاعلان عن ما اكتب من روايات وهى روايتى الاجتماعية والتى اطلقت عليها اللقيط ارجوا ان تنال اعجابكم

((( الجزء الأول)))
املى فى الحياة حاجتين
اعيش سعيد وافتح بدل البيت اتنين
صحيح دخلى قليل بس راضى
لو كان علمى نافع واكلى من راسى
ما كانش حد عمل عليا قاضى
املى اعيش فى حب وأمان
لا فيه قاعدة ولا فيه طالبان

كانت الساعة تشير الى السابعة والنصف تماماً فى هذه المدينة العريقة عاصمة مصر القاهرة كانت السيدة الفاضلة وفاء تعد الفطور لابنها محمد الذى يستعد للذهاب اليوم لاول خطوات حياته العملية حيث انه من المتوقع ان يخضع لمقابلة وظيفية فى احدى الشركات وكان ميعاده الساعة الثامنة والنصف صباحاً اى بعد الساعة من الأن وما زال محمد نائماً ، وهنا توجهت الام لايقاظ ابنها الوحيد

أنا مش عارفة ايه شباب اليومين دول طول الليل على النت وينام للظهر ....... ثم تطرق الباب على ابنها الوحيد .... محمد ...محمد يا ابنى قوم الساعة 7.5 علشان ما تتأخرش عن ميعادك ... لازمته ايه السهر بس وانت وراك معاد .
يوووووووووووووه هو الواحد ما يعرفش يستريح فى البيت دا شوية ولا ايه هكذا كان رد محمد الجاف على امه
يستريح ايه يا ابنى قوم علشان ما تتأخرش على معادك ... ترد ام محمد فى حنان زائد
طيب حاضر سيبينى نص ساعة بس وهقوم لوحدى ... مازال محمداً فى توهان النوم
الامٍ :- إنت حر انا مش هصحيك تانى انت عارف مصلحتك
محمد :- طيب ادينى صحيت .... صباح القشطة يا عسل
الام :- قشطة فين يا ابنى ما انت قصفت نص عمرى وفى الاخر مش عارف تستريح فى البيت دا
محمد :- ايه يا جميل فكها بقى انا كنت بهرج معاك ... هو الواحد ما يعرفش يهرج فى البيت دا ولا ايه
الام :- تب قوم بقى الساعة 7.45 وانت كدا اتاخرت يا ابنى لازم تعمل حساب المواصلات والزحمة
محمد :- يا حاجة احنا فى زمن السرعة والنت وadsl انتوا لسة فى عصر سعد سعد يحيا سعد
الام :- طيب انا هروح احط الاكل على السفرة على ما تصلى الصبح وتجهز
محمد :- ماشى يا قمر
محمد :- ادعيلى يا قمر بقى ربنا يكرمنى فى الشغل
الام :- هى البت سارة حبيبتك معاك ولا ايه
محمد :- اشمعنى يعنى
الام :- اصلها اتصلت بيك الصبح مرتين
محمد :- ايوة ... ما هى اللى جايبة الشغل اصلا
الام :- روح يا ابنى ربنا يجعلك فى كل خطوة سلامة
خرج محمد بعد تقبيله يد امه فى خطى سريعة متوجها لسيارة تنتظره تحت باب العمارة كانت بها سارة
محمد :- يا صباح الحلويات يا صباح الجمل يا صباح اللى بتغنى
سارة :- ايه يا عم الروقان دا على الصبح
محمد :- ايه يا بنتى مش رايحين شغل بقى بعد 6 سنين عاطل مع مرتبة الشرف
سارة :-ة والله بطريقتك دى ... وايه اللبس دا يا ابنى هو انت رايح ديسكو
محمد :- والله هو انا كدا وما فيش غير كدا .... ما فيش حل تانى
سارة :- لا دا انت العملية ضايعة منك على الاخر
محمد :- اللى يشوفك يا قمر لازم يروح العباسية
سارة :- ربنا يشفى .... المهم دلوقتى انا هنوصل الشركة اول ما ندخل تبقى رزين فاهمنى
محمد :- فاهم يعنى ابقى اتنين ... تمام
سارة :- تمام .. يعنى كلام من عينة انا واخد دورة فى وفى وفى .... عايزين ربنا يكرمنا كدا
محمد :- قولى يا رب مش هتغرق
سارة :- يا رب
يصل محمد وسارة للشركة المقصودة ويتوجهون لمقابلة المدير والعضو المنتدب للشركة

محمد :- سلام عليكم لو سمحت فين مكتب السيد المدير
الموظف :- تالت اوضة يمين
محمد :- شكراً ليك يا مان
سارة :- نهارك اسود مان ايه اتظبط يا عم ما توديناش فى داهية
محمد :- خليكى كول بقى
سارة :- انت بشكلك دا كدا مش هتشتغل لحد ما تموت
محمد :- تب اسكتى بقى اهو مكتب المدير ..... احم توكلت على الله
سارة :- لو سمحتى يا انسة عايزين نقابل المدير علشان الشغل المطلوب
السكرتارية :- حاضر ثوانى هبلغ سيادته
محمد :- شوفى الصاروخ دا
سارة :- ولا احترم نفسك
السكرتارية :- اتفضلوا وائل بيه فى انتظاركم
محمد وسارة يدخلان الباب وهنا تحدث المفاجأة
اللى اللقاء فى الجزء الثانى من الرواية
dr_hope
أكاديمى نشيط
أكاديمى نشيط
مشاركات: 173
اشترك في: 09 فبراير 2009, 9:17 am
Favorite Quote: لا تنس ذكر الله
مكان: مصر
اتصال:

Re: اللقيط ..... رواية اجتماعية .... الجزء الأول

مشاركة بواسطة dr_hope »

مهاجر
متكتب بالفصحى !
حسبنا الله و نعم الوكيل !
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: اللقيط ..... رواية اجتماعية .... الجزء الأول

مشاركة بواسطة المهاجر »

dr_hope كتب:
مهاجر
متكتب بالفصحى !

دكتور
انا لسة بتعلم

اشكرك للاستجابة السريعة واعدك بالتحسين فى المحاولة القادمة
dr_hope
أكاديمى نشيط
أكاديمى نشيط
مشاركات: 173
اشترك في: 09 فبراير 2009, 9:17 am
Favorite Quote: لا تنس ذكر الله
مكان: مصر
اتصال:

Re: اللقيط ..... رواية اجتماعية .... الجزء الأول

مشاركة بواسطة dr_hope »

على فكرة القصّة مشوّقة

و أنا هتابعها إن شاء الله

و قلت مقالتي آنفا .. فقط لأني لا أستسيغ الأعمال الإبداعية بالعامّية

اللهم إلا في الشعر فقط .. قليلا

أما أن تدخل العامية إلى النثر .. فهذا لا يروق لي إطلاقا .. إلا إذا كانت لمقتضى الحال ..

يعني تستخدم الفصحى .. و تضمّن خلالها عبارات بالعامية .. ترد على لسان الأبطال .. فلا بأس كما فعل كبار الكتاب عندنا

معذرة على الإزعاج صورةصورة

و بانتظار باقى قصّتك كما تحب أن تكتبها صورة

فقد شوّقتني إلى معرفة المفاجأة القادمة ..

تحيّاتي لك و لقلمك المميزصورة
حسبنا الله و نعم الوكيل !
لوسفير
أكاديمى نشيط
أكاديمى نشيط
مشاركات: 174
اشترك في: 09 فبراير 2009, 2:57 am
Favorite Quote: لا حياة بدون يأس ولا يأس بدون حياة (وعجبى)

Re: اللقيط ..... رواية اجتماعية .... الجزء الأول

مشاركة بواسطة لوسفير »

هناك ملحوظه ياصديقى اتمنى ان تستفاد منها لكتابه روايه ناجحه ....يجب عليك الكتابه اكثر من نحيه وصف الاجواء المحيطه بالروايه وليس الحوار المباشر داخل الروايه...ربما لانك تفضل القصص القصيره فتكتبها بنفس اسلوب كتابه القصص القصير.....اسف اذا كنت تقلت عليك لكنى حقا اتمنى التميز لك ..اخوك اسلام
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: اللقيط ..... رواية اجتماعية .... الجزء الأول

مشاركة بواسطة المهاجر »

dr_hope كتب:على فكرة القصّة مشوّقة

و أنا هتابعها إن شاء الله

و قلت مقالتي آنفا .. فقط لأني لا أستسيغ الأعمال الإبداعية بالعامّية

اللهم إلا في الشعر فقط .. قليلا

أما أن تدخل العامية إلى النثر .. فهذا لا يروق لي إطلاقا .. إلا إذا كانت لمقتضى الحال ..

يعني تستخدم الفصحى .. و تضمّن خلالها عبارات بالعامية .. ترد على لسان الأبطال .. فلا بأس كما فعل كبار الكتاب عندنا

معذرة على الإزعاج صورةصورة

و بانتظار باقى قصّتك كما تحب أن تكتبها صورة

فقد شوّقتني إلى معرفة المفاجأة القادمة ..

تحيّاتي لك و لقلمك المميزصورة

اشكرك يا دكتور وما فيش ازعاج ولا حاجة وللعلم فانا كتبتها بالعامية لان هى تقضى كدا وانت كدا تجبرنى اكتب رواية كنت كتبتها بس مش عجبتنى وكان بالفصحى فما كملتهاش وهى كانت رواية وطنية اسمها لحظة حاسمة
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: اللقيط ..... رواية اجتماعية .... الجزء الأول

مشاركة بواسطة المهاجر »

لوسفير كتب:هناك ملحوظه ياصديقى اتمنى ان تستفاد منها لكتابه روايه ناجحه ....يجب عليك الكتابه اكثر من نحيه وصف الاجواء المحيطه بالروايه وليس الحوار المباشر داخل الروايه...ربما لانك تفضل القصص القصيره فتكتبها بنفس اسلوب كتابه القصص القصير.....اسف اذا كنت تقلت عليك لكنى حقا اتمنى التميز لك ..اخوك اسلام
اخى الكريم اسلام تحياتى ليك على مرورك الطيب وعلى نصيحتك التى اضعها فى عنقى ولكنها فقط المرة الاولى التى اكتب فيها رواية واعلن عنها فقد اخذت فى الحرص على محاولة الابداع ويبدو انه جاء على حساب ما اريد فتحياتى ليك وان شاء الله القادم اتمنى يكون احسن
dr_hope
أكاديمى نشيط
أكاديمى نشيط
مشاركات: 173
اشترك في: 09 فبراير 2009, 9:17 am
Favorite Quote: لا تنس ذكر الله
مكان: مصر
اتصال:

Re: اللقيط ..... رواية اجتماعية .... الجزء الأول

مشاركة بواسطة dr_hope »

هتكتب الباقي أمتى ؟؟ صورة
حسبنا الله و نعم الوكيل !
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: اللقيط ..... رواية اجتماعية .... الجزء الأول

مشاركة بواسطة المهاجر »

dr_hope كتب:هتكتب الباقي أمتى ؟؟ صورة

طيب مش لما اشوف رأى بقيت الاعضاء علشان احاول اعالج السلبيات كلها مرة واحدة بدل شغل القطارة دا ولا ايه رايك يا دكتور
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: اللقيط ..... رواية اجتماعية .... الجزء الأول

مشاركة بواسطة Ghadat2009 »

أسلوبك الحواري واقعي جدا .. مدهش بجد صورة

و عجبتي البداية ... أبيات شعرية قصيرة لكن معبرة جدا ..انت اللي كاتبها ؟

أنا يمكن باتساءل عن بعض تفاصيل .. يعني مش واضح مستواه المعيشي و الثقافي ؟ هل هو عايش مع والدته فقط ؟ هل سارة من نفس مستواه الاجتماعي ؟ هو يمكن ده هيبان من الأجزاء اللى جاية انشاء الله .. بس ساعات وصف بعض التفاصيل بيعمل تعايش أكتر مع الشخصيات و الله أعلمصورة

أتمنى تكتب الجزء اللي جاي بسرعة عشان نعرف المفاجأة هي إيه؟ يمكن يكون صاحب الشركة دي والد سارة ؟ صورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
أضف رد جديد

العودة إلى ”مذكرات كوميدية“