المواضيع التى لم يرد عليها | عرض المواضيع النشطة التوقيت الحالى 16 يوليو 2018, 12:24 pm





الرد على الموضوع  [ 3 مشاركة ] 

Share |


على باب الوزير 
الكاتب رسالة
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة على باب الوزير


على باب الوزير طوابير طوابير
دا عايز يبقى مهندس ودا يبقى غفير
ودا جاى بواسطة ابن موظف كبير
عايز كل شئ له سهل ويسير
على باب الوزير طوابير طوابير
شفت واحد والدمع نازل منه غذير
سألته ليه بتبكى والدمع منك كتير
رد وقال جايب الإمتياز تقدير
بس خدوا منى وظيفتى علشان ابويا غفير
وأدوها للى هناك علشان ابوه وزير
على باب الوزير طوابير طوابير
ودا تانى الحزن مالى عنيه
كان نفسه يبقى طبيب ويبقى زى البيه
خدها منه ابن الباشا وبحسرة سألنى ليه
رديت بكلمة واحدة وقولت ليك رب تشكيله
قادر يحطك مكانه وتجيله كارثة تشيله
بس إنت خليك معاه ولهمك إحكيله
على باب الوزير طوابير طوابير
دا عايز يبقى مهندس ودا يبقى غفير
والناحية التانية واحد بيسمع من الاغانى كوبليه
حاطط رجل على رجل ولا اللى فى كباريه
سألته والباشا يطلع أيه
بصلى بكل ذكاء وقالى وانت تطلع أيه
قولتله أنا إبن تسعة وانت جنسك ايه
طلعلى من جيبه ورقة وقال دا الكارنيه
بصيت عليه وصدمت من اللى فيه
أبوه صاحب مصنع لبان وهو صاحب نت كافيه
لحد هنا ولسة إنسان عادى تب مؤهلك أيه
شاورلى على باب الوزير وقال تعرف أنا أيه
قولت مين حضرتك رد وقال أنا جار البيه
وقتها رفعت ايدى للسما ودعيت ربى
يا رب تزيح عنا الهم والغم وكل البلاوى
يا رب ترحمنا من دا عمى ودا جارى
على باب الوزير طوابير طوابير
دا عايز يبقى مهندس ودا يبقى غفير

_________________


08 يوليو 2009, 1:08 pm
الملف الشخصى Yahoo الموقع الشخصي
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: على باب الوزير


لعن الله هذا النوع من الكوسة ومن زرعه ومن حصده ومن أكله
والله الكوسة مظلومة مع الناس دي
:lol:
عموما ً نرجع للقصيدة الجمية أسلوبا ً وموضوعا ً great1
وفعلا ً لن تقوم لنا قائمة إلا إذا وسد الأمر إلى أهله وأخذ كل ذي حق ٍ حقه angry1
أشكرك يا أحمد على هذه القصيدة الجميلة ويا رب ننتهي من هذه المشكلة التي أضاعت جهود الكثيرين في مجتمعاتنا . di1

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


08 يوليو 2009, 2:16 pm
الملف الشخصى Yahoo الموقع الشخصي
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: على باب الوزير


هم يبكي و هم يضحك و الله الواحد مش عارف يعمل ايه يضحك و لا يعيط !!!!!!!!!

و على راي استاذ محمد الكوسة مظلومة معاهم و لو اني مش بحبها بس برضه مظلومة ........ :lol:

نرجع بئى لخاطرتك يا احمد جميلة جدا اسلوبك ما بين التهكم و السخرية و الحسرة .......... clap1

اشعرتنا باحاسيس مختلطة في قصيدة واحدة ........ و تناولت موضوع جميعنا يعاني منه حاليا ........ خاصة الشباب ........

لكن عامة احلى حاجة انك استعنت بربنا و فعلا ( إن الله لا يضيع أجر من أحسن عملا ) ............ great1

احييك يا احمد على القصيدة الحلوة دي و اتمنى لك ابداع وراء ابداع ....... :)

_________________



08 يوليو 2009, 5:24 pm
الملف الشخصى الموقع الشخصي
عرض المشاركات السابقة منذ:  مرتبة بواسطة  
الرد على الموضوع   [ 3 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 3 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter