عجبى على الزمن وعمايله

المشرفون: محمد محمود،همسه،donnabella

أضف رد جديد
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

عجبى على الزمن وعمايله

مشاركة بواسطة المهاجر »

عجبى من الزمن وعماليه عجبى
والإنسان واللى بيتغر بيه يا ولدى
كان بلدنا زمان فى الاحتلال مدفونة
خيرها لغيرها واولهم القطن طويل التيلة
كان كل شوية حملة من الهجانة لحرب السفينة
عجبى الزمن وعمايله عجبى
والإنسان اللى بيتغر بيه يا ولدى
ماشيين ورا اللى ماشى ما بنشوف نجوم الليل
الصبح شقشق والعصفور بيغنى يا عين يا ليل
والفلاح كان زمان يا ناس راجل أصيل
الدنيا جرالها ايه والشعب راح فين
الدنيا دى كدابة لك فيها يا صاحبى حاجتين
تاخدهم وتمشى فى طريقك لحد اشرف ايدين
هتعيش يا ابن ادم ما تعيش مسيرك بين اتنين
اه يا شعب من الزمن هتروح لمين وفين
لو ناسى ايام الاحتلال افكرك دنشواى والحمام
ولا فاكر يا صاحبى ايام بين القصرين
اه يا حرب 56 كنتى بداية كبيرة لحربين
من 67 لللاستنزاف حتى حرب الاختين
والشعب كله لما قام الصليب مع الهلال والنجمتين
بلدنا يا ناس جميلة بس العيب فين
العيب فينا اه والله فينا وأساله ميدان عابدين
ولا بلاش خلونا نسأل علماء الارض او حتى الذرتين
لازم بلدنا تعيش وتبقى احسن لو حتى هنروح فين
لازم نشتغل ونبنى من زويل كمان اتنين
عجبى من الزمن وعمايله
والانسان واللى بيتغر منه يا ولدى




على فكرة القصيدة او الخاطرة دى انا كتبتها هنا فى المنتدى بدون سابق إعداد او تجهيز فعشان كدا ارجو المعذرة على الاخطاء
صورة العضو الرمزية
همسه
مشرفة قسمى الشعر, كلام فى الحب
مشاركات: 119
اشترك في: 05 نوفمبر 2008, 8:02 pm
Real Name: آيه الشحات أحمد
Favorite Quote: اطلبوا اللعلم من المهد الى اللحد
verification: ID verified and trusted writer
مكان: مصر

Re: عجبى على الزمن وعمايله

مشاركة بواسطة همسه »

اسفه يااحمد انى بعدل وراك بس دى حاجه كلفتنى بيها الاكاديميه .
انا حزفت سطرين كانو مكتوبين ورا بعض من اول سيدى وسيدك والسطر اللى بعده انا كنت عايزه احذف السطر التانى بس لكن لقيت ان المعنى مش هيبقى مناسب فحذفت السطرين
فى كلمه كتبتها مكنش لازم انها تتكتب علشان كده انا حذفت ومتهيا لى ان القصيده دى كان لازم تتانى فيها شويه مكنش لازم السرعه كانت ممكن تبقى باسلوب افضل لو انت ركزت فيها وكانت هتبقى حاجه رقيقه وراقيه زى ما احنا متعودين منك على طول وهنستنى نشوف لك حاجات حلوه كتير زى ما اتعودنا منك واتمنى متكونش زعلتصورة
همسه
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: عجبى على الزمن وعمايله

مشاركة بواسطة المهاجر »

ازعل ليه يا همسة دى شغلك واحنا واخوات ولعلمك انا عارف ان دول بالذات هيتحذفوا بس بصراحة واخويا بينى وبينك كدا بقالى كام يوم مش عارف اكتب حاجة فانا وانا موجود النهاردة الصبح شوفت قصيدة عمار يا مصر وعمار يا مصريين حبيت قول حاجة انا كمان على ايام زمان والفرق بينها وبين دلوقتى فجالى الكلام دا فخوفت يروح زى غيره روحت كاتب على طول لان بجد انا كان زمان كاتب اليومين اللى فاتوا دول حوالى خمس خاطرات او قصائد بس للاسف مع عدم التركيز مش بتكمل وكل اللى بعمله اقطع الورق
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: عجبى على الزمن وعمايله

مشاركة بواسطة الأمير الحائر »

الأول بحيى همسة على نشاطها وتحملها للإشراف وكمان على مراعاتها لشعور الأخرين فى الرد..وطبعا أحمد مشرف وفاهم ان ده واجب وأمانة وعليه وعليا أنا كمان نفس الواجب ده..

بالنسبة للقصيدة بجد يا أحمد هايلة وبطريقتك العفوية البسيطة قدرت ترد على فكرة ان مصر دلوقتى وحشة أوى...لأن بجد زى ما انت قلت فى قصيدتك كده احنا كان حالنا زمان فى الأرض واتعاقب علينا احتلال كتيرمن كل جنس ولون...انجليز ومماليك وأتراك وأخرتها اسرائليين واحنا دلوقتى مهما كان فيه مشاكل ففى كل بلد فى الدنيا فيه مشاكل بس احنا اللى بنحب أوى نهول من مشاكلنا وعيوبنا زى مايكون مافيش مزايا...أنا عارف ان روايتك دى رد على خالد عشان كده كتبتها بسرعة بس زى ماتفقنا اختلاف الرأى لايفسد للود قضية وكل واحد يعبر عن احساسه لبلده بطريقته وكتابته...
بحييك يا أحمد على قصيدتك ومستنيين أكتر بقى أنت ركز كده وفكر شوية وهتطلع كتابات مافيش بعد كده...وبردو ماتنساش الرواية صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: عجبى على الزمن وعمايله

مشاركة بواسطة المهاجر »

ربنا يخليك يا امير ادينا بنتعلم منك بقى اما النسبة للراى فانا مش بعترض على آراء بس زى ما تقول انا شايف كل اللى بيتذكر سلبى فعايز ابين الايجابى زى ما كتب القصيدة دى وزى ما فتحت صلسلة هى دى مصر انت ابن مين فيها وقصيدة قش الرز بس حذفتها قبل ما حد يقرأها لان الادمن شاف انها دخلت فى نطاق حرب بين اتنين لانى كنت كاتبها على اللى بيقول حرق القش وكدا يعنى فانا عايز اظهر الايجابي مش اكتر

اما بقى بالنسبة للرواية فانا قررت انى مش هكتبها هنا غير لما اخلصها صح عشان لما تتحط تفضلوا تقروا فيها ليل نهار
أضف رد جديد

العودة إلى ”أشعار عامية“