أكاديمية ايجيبت رايت الأدبية

رائعة ياخالد! بجد شعر واقعى وعبر عن مشاكل مجتمعنا كلها تقريبا
و جميل انك بجد تبقى شاعر بتكتب فى كل المجالات وبالذات احساسك بمصر وهمومها اللى هى همومنا كلنا
بس ده مايمنعش ان احنا نكتب فى حب مصر؟ صح؟ يعنى أقصد ان ممكن نكتب شعر يظهر العيوب زى قصيدتك الهايلة دى..وفى نفس الوقت ممكن يبقى فيه قصيدة فى حب مصر زى قصايد أستاذ مسعد أو قصيدة أية الجديدة والنوعين هادفين ومؤثرين جدا...ده بس تعليق على ردك على قصيدة أية اللى كان واضح فيه الغضب من أحوال البلد وده احساسنا كلنا بس ده مش ذنب مصر...ده ذنب المصريين...مع اعتقادى ان اللى أنت زكرتهم فى قصيدتك من اللى بيدمرو البلد دول مايستحقوش أصلا يكونوا مصريين ولو حسو بمعنى كلمة مصرى وحبوا البلد عمرهم ماكانو عملو كده ولا كان ده يبقى حال مصر...
بحييك يا خالد على قصيدتك وعلى مشاعرك لبلدك

بجد تسلم ايدك يا خالد بجد قول وصحى المصريين ان بحب الى يكتب.. يكتب فى مشاكل بلده يمكن يطلع الى معاه الحل مستخبى حولينا واحنا مش حسين

شكرا يا امير ويامحمد على كلامكوا
وانا باتفق معاك يا محمد فى وجهة نظرك
لكن يا امير انا باختلف معاك شويه
انا شايف انى كفايه اوى نغنى ونرد على بعض
والنوع ده من الشعر الاجيال اللى فاتت اديته حقه وزياده
بمعنى انى فى وقت فعلا كنا محتاجين نشوف الحاجات الحلوه
لما كانت البلد فى ازمه لكن دلوقتى البلد فى حاله استرخاء
واللى بيحب حد بجد لازم يصارحه بعيوبه وما ينافقوش
والوطن مش ارض وسما وميه وجبال
الوطن افراد وعقول ورقى فكرى وديموقراطيه واحساس
الناس بهموم بعضهم
كفايه كلام على النيل والاهرامات والشمس والجو الجميل
الكلام ده مش هايزودهم حاجه خلينا نتكلم عن تلوث النيل
والدخان اللى سود الجو هو ده اللى احنا محتاجينه دلوقتى
عشان نعرف نسيب حاجه كمان مائة سنه حد يتكلم عنها
والخلاف فى الرأى لايفسد للود قضيه
وشكرا على اهتمامك

بجد الله عليك ياخالد فعلا والله تستحق كل التقدير على القصيده الهايله دى بس انا مع وليد فى اللى قاله زى مابنكتب على العيوب اللى فى بلدنا لازم نقول على المميزات اللى فيها بمعنى مصر مش وحشه للدرجه اللى انت بتفكر فبها كل بلد زى ما فيها الحلو برده فيها الوحش واحنا مش بنقول كلام اتعاد واتقال قبل كده ده كلام لازم يتقال على طول زمان ودلوقتى وبعد مليون سنه ده واجبنا كمواطنين تجاه بلدنا مش بس نبين الوحش فيها زى تلوث الجو والميه والحاجات دى كلها لازم نقول برده انها طلعت زويل والسادات وغيرهم كتير وكتير كلنا مؤمنين ان بلدنا فيها عيوب كتير عايزيين نغيرها واللى يقول غير كده يبقى منافق زى انت ما قلت بس احنا نقدر نخلى الوحش ده حلو بس بجد قصيده هايله ولا تعليق وزى مانت قلت اختلاف الراى لا يفسد للود قضيه

أيه الجمال دة ياخالد بتناقش فى قصيدة واحده مشاكل تهم الملايين بصراحة أنا عجبانى الطريقة الساخرة الا بتتكلم بيها أوى بس صدقونى العيب مش فى مصر العيب فى المسئولين عن مصر مصر ياجماعة حلوة أوى بس محتاجة
حد يظهر جمالها بجد تحياتى ليكى ياخالدوعلى قصيدتك الرائعة