إنها الحرب إذاً ..! ج 6

للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, رجاء مراعاة قوانين هذا القسم جيدا قبل الكتابة فيه.

المشرف: تنهيدة

قوانين المنتدى
للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, مع الإلتزام بحدود لائقة فى المزاح بين الأعضاء, وعدم التجريح فى أى عضو فى الأكاديمية أو استخدام أسماء أى شخصيات عامة والتشهير بها.
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

إنها الحرب إذاً ..! ج 6

مشاركة بواسطة Ghadat2009 »

دخل القاضي ( م.م) من بوّابة القصر المهجور و معه طبقا كبيرا ملفوفا بعناية و...حزم ! ...يبدو للخبراء أنه من الحلوى الشرقية ..
نظر يمينا و يسارا بقلق ... ثم أخرج مفتاحا طوله حوالي نصف متر ..و بدأ يفتح و يفتح في الباب ... إلى أن انفتح و الحمد لله ...

دخل بحذر و... رعب من الحزب الآخر .. ثمّ أخذ ينادي بهدوء ... تطور الى صوت عالي جدا : يا أمييييير ! يا أميرنا اااا ! إنت فين ؟ الدنيا أمان اظهر بقى و بان !! "

أخذ ( م.م)يتجول في القصر إلى أن وصل الى غرفة المكتب الملكي ... دخل فيها ليفاجأ بأكوام من الأوراق و الكتب فوق المكتب الكبير ..تتخللها عشرات الفناجين من النسكافيه !
فوجيء برأس تطل بشكل جانبي من وراء هذه الأكوام ... و عرفه على الفور ...سبحان الله !

( م.م) : تقريبا ... سيادتك الأمير ؟ أيوة هوّ انت !! ايه اللي بيحصل ده ! الأول سلام عليكم و اتفضل الحلويات الجميلة دي علشانك ... بس ليه كل النسكافيه ده !


( الأمير المتحيّر) : إزيك يا قاضي ؟ تصور اني مش نمت من 17 يوم و نص ؟ عمّال أعمل أبحاث في الأساليب وفي القواعد العربية ... دا أنا حتى مش لاقي وقت للشعب ! قوللي يا (م.م) إيه أخباره ؟
( م.م) : هو مين ؟؟
( الأمير ) : الشعب!

و هنا سمعا طرقات متلاحقة على الباب و معها صوت : " درجن ...درجن درجن "!!!
استل الأمير قلمه و أمسك القاضي بمطرقته ..ووقفا في حالة تأهب للقادم الغامض !!
و بدأ الباب ينفتح ببطء ...فهجم الاثنان على القادم الذي ذعر بشدة و رفع غلاف باكو الشيكولاته عاليا و هو يقول : " و اللهِ أنا الوزير أ. ! صدقوني هو أنا ! يعني أطلع لكم البطاقة "

الأمير المتحيّر : " وزير أ . أنهو فيهم ؟ و إيه موضوع الدرجن ده ؟"

وزير أ. : " ماهو من يوم الفرس ماهرب مني و أنا بنادي عليه ( درجن درجن ) و بعدين حزنا عليه سميت نفسي بلا جواد و عشان أصعب عليه بقيت ( وحيد) و لمّا لقيت مافيش فايده ...قلت أوجع ضميره شوية و أحسسه إن الليالي من غيره سودة ...و برد وإني بقيت من يومها ليالي مضلّمة ...نسيت أقولكم ...مساء الخير !

نظر ( م.م) في ساعته فجأة ثم قال : " باردو Pardon يا جماعة ..اسمحولي ..مضطر أستأذن و طبعا انتو معزومين ...Ok ؟

نظر الأمير( الذي زادت حيرته ) إلى الوزير أ الذي قال مذهولا :

"معزومين فين ؟ اوعى تقولي إن فيه واحد من حزبنا هيحقق المعجزة و يفوز من تاني بأي مركز ! لو ده حقيقي قوللي الخبر على دفعات ...!"

ضحك ( م.م) ثم قال : " لا يا بني ... الموضوع ده أنا نسيته خلاااص ! أنا باتكلم على محل اتنين في واحد = الحلواني و السوبرماركت بتاااعي !
أمّال الحلويات دي منين؟ ماهو عشان كده بدأت أنشر إشاعات عن البسكوت المنتهي الصلاحية ...فاكرين ؟ اللي قلت اني بعت منه لتنهيدة ؟ دا كله مدروس و حسب الخطة الإعلانية الجديدة !"
الوزير أ. : " حلواني و سوبر ماركت ؟ طب إزاي؟ و اسمه إيه ؟
القاضي ( م.م) : ما هي دي المفاجأة ....أنا سمّيته : لقمة القاضي ! و مكانه جنب المحكمة بالضبط !
الوزير أ. : لقمة القاضي ؟ ..... لنا الله !!
ظهرت على وجه الأمير علامات الإحباط و مشى نحو الحلويات هو يقول :

" فوضت أمري لله ! .....انت قلت لي العنوان فين بالضبط ؟"




*******


و على الجانب الآخر من المملكة ...و تحديدا في قصر الزهور ... وقفت سلمى أمام الشاشة العملاقة -التي تنقل ما ترصده الكاميرات المثبتة في القصر المهجور ...و لم تتمالك نفسها من الضحك ..بينما ألقت بجهاز التحكم عن بعد على الأريكة ..و تناولت بيدها فنجانا من " الكرام " الساخن و طبقا من الجاتوه

سلمى : " مش ممكن اللي بيحصل ده ! هو احنا ليه ركبنا كاميرات تجسس عندهم ؟ دول ما فيش خوف أبدا من ناحيتهم "

تنهيدة..- و هي تتنا ول عنقودا من العنب البناتي : " برضه لازم ناخد احتياطاتنا منهم ... مش كفاية علبة البسكويت اللي بعتوها ؟ صحيح أبسط اجراءاتنا الأمنية اكتشف عدم صلاحيتها ... بس برضه الأحسن نعرف خططهم أول بأول ! "

غادة و هي تتناول الكرز و عصير الأناناس الفريش : المهم دلوقتي نرجع تاني بطلقات من القصص و قنابل الأشعار و الخواطر و أخبارنا الأدبية ... عشان يعرفوا ان حزب البنات و بس ..و برافو عليكي يا جوجو إنك غيرتي اسمك ( الحلم المستحيل ) لأنك لما بقيتي معانا ..عرفتي ان ماباقاش فيه مستحيل ...و كمان اسمك invisible gogo مناسب جدا للمهام السرية اللي بتقومي بيها معانا ,,

جيهان- و معها ألبومات الصور و صحبة أزهار : " أنا ماعملتش غير الواجب ! دول الحرب معاهم سهلة و ظريفة جدا ! ..سيبكو من موضوع الحروب ده ...و تعالو أفرجكم على صور العيلة ....

شيماء قبيصي : الله ! صور تجنن.... و على فكرة أنا طلبتلكم بتزاااا ! احتفالا بانتصاراتنا المستمرة و أيامنا الحلوة مع بعض !
نورا ( دونابيلا) : فكرة حلوة أوي ...و بعدها نقوم نرمي شوية قنابل و طلقات أدبية .. على اللي بالي بالكم !

و أكملت Rawan432 : و أنا عليّا المؤثرات المرعبة ... عشان نخلّص عليهم خالص !



ضحك الجميع بمرح و سعادة .... و غردت العصافير بفرح ..و طارت الفراشات فوق الزهور الملونة ..فقريبا ...و قريبا جدا .... ستعلو راية حزب البنات فوق القصر المهجور ....ليعمر من جديد




يتبع في الجزء القادم ... إن شاء الله

صورة

.
.
.
[highlight=#ffff40]*** لــزيارة صــفـــحـــتــي *** [/highlight]
rawan432
أكاديمى نشيط
أكاديمى نشيط
مشاركات: 226
اشترك في: 27 إبريل 2009, 2:47 am
Real Name: روان عبد الكريم
Favorite Quote: كان ياما كان يا دمع الحنين
يا زمن العشق المكنسر
والوف القبور من العاشقين

Re: إنها الحرب إذاً ..! ج 6

مشاركة بواسطة rawan432 »

انا نمت نص ساعة وصحيت

ولقيت الجملة ده
استل الأمير قلمه و أمسك القاضي بمطرقته ..ووقفا في حالة تأهب للقادم الغامض !!
و بدأ الباب ينفتح ببطء .

قلت بس غادة بقت زميلة مهنة فى حكاوى العفاريت بتاعتى هههههههه

لقيت المنتدى كله هنا وبين الامير المتحير ولقمة القاضى دماغى لفت

شكل الموضوع حرب جامدة بجد

ولازم اقرى الاجزاء الى فاتت بعد الشغل

واجيبلك شوية مؤثرات رعب كده vi2
هههههههههههههههه

راجعه تانى ده مش تعليق ده بدل صباح الخير
http://thumbs.bc.jncdn.com/043d1b820dd2c3e4b7d22e52d9f9c923_l.jpgصورةكان ياما كان يا دمع الحنين
يا زمن العشق المكنسر
والوف القبور من العاشقين
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: إنها الحرب إذاً ..! ج 6

مشاركة بواسطة محمد محمود »

إعلان هام
تمت بنجاح عملية البث الفضائي الموجه من قصر الحكم إلى حزب البنات وتمت عملية التمويه بنجاح ، وقد أفادنا مراسلنا إلى أنه منذ قليل قامت حملة من قوات الأمن ولجنة من وزارة الصحة بمداهمة محل " لقمة القاضي " الموجود بجوار المحكمة ، وألقت قوات الأمن بإلقاء القبض على العاملات بالمحل وتبين أنهن جميعا ً منتميات لحزب البنات وأنهن لا يحملن شهادات صحية تسمح لهم بمزاولة المهنة .
وقد تبين من خلال التحريات أن م . م قاضي القضاة قد نجح مجددا ً في نصب هذا الكمين لحزب البنات ضمن مجموعة من المقالب المتكررة والتي سقط فيها الحزب المذكور بغرابة شديدة .
هذا وقد وجه قاضي القضاة نداء عاجل لكل من المدعوة تنهيدة والمدعوة غادة :
"لا تتناولوا العنب البناتي وعصير الأناناس والكرز فالأغذية المذكورة فيها سم قاتل "
وقد تم إعلان حالة الطواريء بالمستشفيات القريبة من مقر حزب البنات وبلغ عدد المصابات بحالات الإنهيار العصبي نتيجة هذا الفخ 98685
وسنواليكم بآخر الأنباء في النشرات الإخبارية اللاحقة.


بجد يا غادة أسلوبك الكوميدي جميل جدا ً أحييك عليه وأتمنى لجميع أفراد الحزبين التوفيق الدائم
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
شيماء قبيصى
أكاديمى نشيط
أكاديمى نشيط
مشاركات: 191
اشترك في: 01 يناير 2009, 3:51 pm
Favorite Quote: ياترى اللى بيعيش الزمن احنا....ولا الزمن هو اللى بيعشنا

Re: إنها الحرب إذاً ..! ج 6

مشاركة بواسطة شيماء قبيصى »

:lol: :lol: :lol: :lol: :lol: :lol: :lol: :lol:

انا اتخميت فى العنوان يا ريتنى تابعت السلسله التحفه دى من الاول

انتى فعلا وظفتى كل واحد فى مكانه :D :D :D

انا هقراههم كلهم انهارده ...والكلام عليا جه فى الجون ...انا بموت فى البيتزا
مش هلاقى اعز منكم احتفل معاكوا


انا مبسوطه انى معاكوا فى الحفله... قصدى الحرب ومستعده shot1 shot1
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: إنها الحرب إذاً ..! ج 6

مشاركة بواسطة تنهيدة »

ياسلام يادودى ياحبيبتى على الأجزاء الجامدة بجد جزء تحفة أيوة كدا أديهم مترحميهمش .... huh1
وكان لازم فعلا ينسوا الفوز علينا ويروح يفتحوا محلات لبيع الهريسة والجبنة ويارتهم هيفلحوا ...
وشايفة قاضى القضاه م_م ياعينى الخسارة مأثرة عليه خالص ومش أخد بالة أنه بلغ عن محله هو ...
بس مش مشكلة خلينا أحنا نستمتع بالبيتزا والفواكة الليذيذة ونحضر للأحتفال بمسابقة الشهر ده
بس بجد يادودى برافوا عليكى كاتبتى جزء رائع عجبنى أوى ان أميرهم يئس ياحرام وتجه للتدريس ولا فارسهم الا بلا جواد وياعينى بيدور عليه وهو وحيد لحد فعلا مابقيت ليالية ليالى شتاء مظلم بجد مش صعبنين علية خالص :P
ياسلام على جمال البيتزا وأحنا بنتفرج على ألبومات جيجى وأطباق الفواكة حوالينا وكلنا متجمعين بنحضر على أصوات العصافير أحتفالتنا بأنتصارتنا المتلاحقة ....
برحب بالعضوات الجمال شيمو وروان شايفين ياحزب ياغلبان فى كل دقيقة بنزيد و أنتو فى كل ثانية بيختفى منكم عضو لآسباب مجهولة ....
بحيكِ يادودى ياحبيتى على الجزء الجميل .. flower1 flower1 :) flower1 flower1
صورة
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: إنها الحرب إذاً ..! ج 6

مشاركة بواسطة الزهراء »

جزء كوميدي جميل جدا يا غادة happy11
لا و مليان جديد و حلويات و فواكه و أطباق جاتوه كمان lol11

و الأجمل بقى هي الكاميرات المثبتة في قصرهم المهجور و طرق الجوسسة على آخر تقنيات و مستوردة من أكبر معامل كشف الحقائق و المخبي و المستور...ربنا يستر :D

متهيئلي حيحاولو يعملو أي حاجة عشان يبقو زينا لكن سبقناهم و الحمد لله و عن قريب ح نشهد انضمام أميرهم و قائد حزبهم و أحب أقلكم انو مهنة التدريس دي فترة نقاهة بيحاول يستجمع من خلالها قوتو لكن زي م قلت باينلو بيفكر كويس و ح ينضم لينا ز1

لكن ايه يا غادة عاملة تحريات جامدة و كل واحد و الحاجة اللي بيحبها ...great1
برافو لسى ماشيين على نفس الخطة لكن بالتأكيد غيرت الرقم الأخير على اليمين و انت عارفة زي بقية الأعضاء دة معناه ايه ...thi1
و طبعا أهلا بكل من يفكر في الانضمام الينا ، و لو انو واضح من غير توضيح انو كل البنات مع حزبنا الموقر read1
و مع جزء جديد يا عالم مين ح يكتبو نتمنى دايما تكون الأحداث واقعية و صحيحة زيي و النصر دايما لينا vi2
جوا العين و ساكنة القلب
نحبك يا بلادي
......................
صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: إنها الحرب إذاً ..! ج 6

مشاركة بواسطة سندريلا »

برافو يا غادتي الجميلة ... flower1

بجد موضوع هايل جدا و على فكرة بحيي سلمى على فكرة انها الحرب اذا لانها اظهرت لنا مواهب بتكتب كوميدي حلو اوي ..

انا ما قريتش ليك او لاستاذ محمد كوميدي قبل كدة بس بجد ما شاء الله هايل ...

كمان اعتمدت على احساسك بينا من كلامنا و فكرتك اللي في خيالك من كلامنا من غير ما تشوفينا و رسمت الشخصيات حلو اوي يعني مثلا انا متاكدة ان نهودتي بتحب العنب زي ما سلمى بتحب القهوة بلبن زي مانا بحب اجمع صور و اشوفها ...

بجد موهوبة جدا و اتمنى لك مزيد من الابداع ... و عايزين بئى نجمع حاجات بسيطة كدا يعني شوية قنابل و متفجرات صغيرة عشان خططنا الجاية ...
:)
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: إنها الحرب إذاً ..! ج 6

مشاركة بواسطة الزهراء »

hopeless dream كتب:

بجد موضوع هايل جدا و على فكرة بحيي سلمى على فكرة انها الحرب اذا لانها اظهرت لنا مواهب بتكتب كوميدي حلو اوي ..

انا ما قريتش ليك او لاستاذ محمد كوميدي قبل كدة بس بجد ما شاء الله هايل ...


اهلا يا جيهان
اولا احب اقلك برافو على موضوع تغيير الأسماء دة عايزاكٍ كدة تتوهيهم دايما عشان كل مرة نغير آخر رقم فيعمل الفارق و يتغير على أساسو الإسم و المهمة ....ok11

بالنسبة لموضوع الحرب كانت فكرة و اتحققت و كانت حلوة باشتراك الأعضاء في كتابتها و م كنش ممكن تكون حلوة غير كدة

فإيه رأيك نقرالك جزء انت أو نهاد أو أي حد من أعضاء الحزب " روان أو شيماء....
و لا نسيب الفرصة للحزب الغلبان اللي مش بايلنهم خبر :lol:

أما بالنسبة لكتابة الكوميديا فغادة ليها سلسلة مذكرات حلوة و كوميدية جدا و ممتعة ، تلقيها في قسم مذكرات كوميدية حتموتٍ من الضحكgreat1
جوا العين و ساكنة القلب
نحبك يا بلادي
......................
صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: إنها الحرب إذاً ..! ج 6

مشاركة بواسطة سندريلا »

الزهراء كتب:
hopeless dream كتب:

بجد موضوع هايل جدا و على فكرة بحيي سلمى على فكرة انها الحرب اذا لانها اظهرت لنا مواهب بتكتب كوميدي حلو اوي ..

انا ما قريتش ليك او لاستاذ محمد كوميدي قبل كدة بس بجد ما شاء الله هايل ...


اهلا يا جيهان
اولا احب اقلك برافو على موضوع تغيير الأسماء دة عايزاكٍ كدة تتوهيهم دايما عشان كل مرة نغير آخر رقم فيعمل الفارق و يتغير على أساسو الإسم و المهمة ....ok11

بالنسبة لموضوع الحرب كانت فكرة و اتحققت و كانت حلوة باشتراك الأعضاء في كتابتها و م كنش ممكن تكون حلوة غير كدة

فإيه رأيك نقرالك جزء انت أو نهاد أو أي حد من أعضاء الحزب " روان أو شيماء....
و لا نسيب الفرصة للحزب الغلبان اللي مش بايلنهم خبر :lol:

أما بالنسبة لكتابة الكوميديا فغادة ليها سلسلة مذكرات حلوة و كوميدية جدا و ممتعة ، تلقيها في قسم مذكرات كوميدية حتموتٍ من الضحكgreat1



ميرسي على رايك يا سلمى .. و فعلا موضوع تغيير الاسامي ده بيتوه بس طبعا انت عارفة ان احنا حزب على مستوى مش و عندنا حاجات بنخدع بيها و خطط كتير بس يلا بلاش نحرق المفاجات بتاعتنا يا سلمى ...

و فعلا الحزب غلبان و زي غادة ما قالت على لساني الحرب معاهم سهلة جدا يبدو انهم خلاص زهئوا و مش عارفين يعملوا معانا ايه ... فمشوا و استسلموا و بيعلنوا الراية البيضا خلاص لكن على مين احنا ادها و ادود ....

و انا عارفة ان غادتي الجميلة كاتبة مذكرات كوميدية تقريبا اللي هي اسمها ( جننوني )لكن للاسف انا مش قريتها انا متابعة ليها الرواية الرعب ( أحداث تحبس الأنفاس ) بس ... لكن ان شاء الله اقراها قريب لان الواحد محتاج اي حاجة تضحكوا و الله يا سلمى ...

و بالنسبة لكتابة الكوميدي فكرة جميلة لكن حسيبها لنهاد او شيماء او نورا او اي حد من الحزب بتاعنا بلاش انا اصي بصراحة مش بعرف اكتب كوميدي لكن فكرة حجرب كدة و لو طلع حاجة حلوة حقولك عليها او ابعتهالك في رسالة خاصة ...

او يمكن حد من الحزب التاني يكتب حاجة .... و ياريت اقرا لك انت كمان يا سلمى حاجة كوميدي ..... و اتمنى لك دوام التوفيق ...
صورة العضو الرمزية
هبة خميس
أكاديمى نشيط
أكاديمى نشيط
مشاركات: 175
اشترك في: 26 فبراير 2009, 9:59 pm
Real Name: هبة محمود خميس
Favorite Quote: قل لي من تعاشر اقل لك من انت فان من يقضي الليل في المستنقع استيقظ صديقا للضفدع
verification: ID verified and trusted writer

Re: إنها الحرب إذاً ..! ج 6

مشاركة بواسطة هبة خميس »

vi2 vi2 vi2
برافو عليكي يا غادة
ايوة كدة ارفعي راسنا
حلوة قوي فكرة لقمة القاضي
:lol: :lol: :lol:
مين هيكتب الجزء الجديد؟
يا ترى
أضف رد جديد

العودة إلى ”ضحكة من القلب...“