صفحة 1 من 2

اول مواضيعى حبة نكت يارب تعجبكوا

مرسل: 17 نوفمبر 2008, 8:47 pm
بواسطة الامير الصغير
ازيكوا يا جماعة انا اميرعمرى 12سنة اخو الامير الحانرصورة
انا لسه صغير بس اسمحولى اشارك معاكواصورةبقالى مدة عايز اشارك معاكم بس أخويا كان بيقولى استنى شوية صورة
اسيبكو مع النكت بقى


في دكتور عيون شاف اشارة المرور حمراء نزل حطلها قطرة.صورة
______________________________________
واحد كريم اوى أتحرق بيته، لما شاف المطافي حلف مايبتدو يطفو قبل ما يشربو قهوه صورة
_______________________________________
اتنين اندال ماشيين في الشارع. الأول: أنا أندل واحد فى الدنيا.. الثاني: لأ, أنا اندل منك.. شافو عيل صغير قام الأولانى ضربه على قفاه.....الأول شفت, حتى العيال ما سبتهمش. الثاني, قلت لك أنا أندل منك, الواد الصغير ده اخويا وانا نفضت صورة
_____________________________________
واحد راح مطعم في فرنسا. كان عايز يطلب طبق شوربه قال للجرسون: "جارسو أنا عايز واحد شوربو" فرد الجرسون: باردو؟ قال الراجل لا وحياتك سوخنو..صورة
_____________________________________
اتنين مساطيل عايزين يهربوا من مستشفى المجانين، قالو نعمل خطه، لو السور طويل نقصره شويه ونهرب، ولو السور قصيرنهرب على طول، راحوا ملقوش سور، قالوا يلا نرجع الخطه فشلت صورة
_____________________________________
مسطول بيسأل مسطول الساعه كام؟ قاله معرفش قاله غريبه أنا عندي معرفش ألاخمسه!! صورة
_____________________________________
مرو واحد يحلم كل يوم بماتش كرة قدم للكتاكيت راح للدكتور قاله هأديلك حقنة تعالجك خالص قاله: لأ والنبى خليها لبكرة ياادكتور عشان انهارده الماتش النهائى صورة
_____________________________________
واحد مسطول ماشى يطوح فى الشارع جه بوكس وقاله الظابط اركب ياض قاله مانتحرمش ياباشا البيت قريب صورة
_____________________________________
طبيب أطفال اتجوز طبيبة أطفال أعلنوا خبر جوازهم فى مجلة ميكي صورة
____________________________________________
مره واحد مستعجل اتجوز واحده مستعجله خلفو ولد مش فاضيلهم صورة
__________________________________________________________________
يارب تكون النكت عجبتكو صورة
(أمير)

Re: اول مواضيعى حبة نكت يارب تعجبكوا

مرسل: 17 نوفمبر 2008, 11:11 pm
بواسطة الأمير الحائر
أمير حبيبى يامغلبنى صورة
معلش ياجماعة بقى هيبقى معانا عضو تحت السن القانونى صورة وأرجو ان إدارة الأكاديمية مايبقاش عندها مانع..هو بيحب الحاجات اللى بحبها دايما فعشان كده كان دايما يدخل الموقع ويفضل يقرا كل المواضيع وأرجع الاقيه فاتح الموقع..فعملته عضوية عشان أريحه بس هو كان بردو عايز يشارك..عايز يبقى كاتب من صغره بقى معلش صورة على فكرة يوم موضوع رباعيات الأكاديمية هو كتب تكملة للقصيدة جميلة بإحساس أطفال كده وأنا بصراحة كسلت ساعتها أعرضهاله...هأخليه هو يعرضهالكو بقى...هو نايم دلوقتى بقى فى سابع نومة...كان مكسوف مش عايزنى أكتب الكلام ده وهو صاحى صورة يلا رحبو بأمير بقى عضو جديد معاكو ولو عمل حاجة أنا ما أعرفوش صورة
بس بجد ان شاء الله هتلاقوه أصغر أديب فى الأكاديمية و عضو جميل جدا معاكوا وربنا يستر بقى صورة سلام يا أمير ياصغير وحلوة النكت أوى صورة

Re: اول مواضيعى حبة نكت يارب تعجبكوا

مرسل: 17 نوفمبر 2008, 11:35 pm
بواسطة تنهيدة
صورةمش معقول انت العيلة عندكو كلها مواهب كدة ياوليد بصراحة انا مبحبش النكت لكن واللهى اول مره تعجبنى نكت كدة باين على امير بيحبك اوى ياوليد ربنا يخليكو لبعض وعايزين نشوف مواهبة ولمايصحه للمدرسة اشكرهولى على النكت وقولة اننا كلنا فرحنين اوى بوجودة معانا وانا فكرت الاكاديمية واصله كمان لاطفالنا ولا بلاش اطفالنا لامير يزعل ( ياوليد دة مصر ولاده)صورة

Re: اول مواضيعى حبة نكت يارب تعجبكوا

مرسل: 19 نوفمبر 2008, 3:29 pm
بواسطة المهاجر
ماشى يا عم امير ربنا واعدنا على راى تنهيدة عيلة موهوبة انا بقى ما ليش اخوات بس ابن عمى له موهبة يلعب كل يوم فى الطين

Re: اول مواضيعى حبة نكت يارب تعجبكوا

مرسل: 07 ديسمبر 2008, 11:29 am
بواسطة الامير الصغير
شكراً يا وليد على ردك الجميل ..مع انى مش مغلبك اوى يعنى...صورة
وشكراً يا تنهيده على ردك..صورة
وشكراً يا احمد على ردك..صورة
صورة

Re: اول مواضيعى حبة نكت يارب تعجبكوا

مرسل: 01 مايو 2009, 8:35 pm
بواسطة المصرية
جميلة قوي يا امير دمك خفيف

Re: اول مواضيعى حبة نكت يارب تعجبكوا

مرسل: 14 مايو 2009, 5:46 pm
بواسطة نبضة...
صورةصورةصورةصورةصورة
بجد دمك خفييييييييف قوي...ههههه..
مش قادره امسك نفسي من الضحك..صورةصورة..
ميرسي يا امير علي النكت الروووعه دي..صورةصورة

Re: اول مواضيعى حبة نكت يارب تعجبكوا

مرسل: 15 مايو 2009, 11:03 pm
بواسطة سندريلا
شكرا امير حلو كتير بجد دمك خفيف ....... و عايزة اشوف لك نكت و حاجات تانية ان شاء الله

Re: اول مواضيعى حبة نكت يارب تعجبكوا

مرسل: 22 يوليو 2009, 9:44 pm
بواسطة elsayad
أولأ : أنا عارف إن الرد متأخر أوى بس أعمل إيه يا أمير غصب عني والله شغلي واخدنى ومبقلبش فى الموقع كتير وشفت الموضوع بالصدفة .

ثانياً : أخي الصغير أمير
أرحب بك فى الأكاديمية وأشكرك على النكت التى أضحكتني وإن شاء الله أنتظر أن أرى لك المزيد من الأعمال المميزة ،
وربنا يوفقك . أخيك الكبير . . عاطف flower1 clap1 clap1

Re: اول مواضيعى حبة نكت يارب تعجبكوا

مرسل: 23 يوليو 2009, 4:00 pm
بواسطة Ghadat2009
إزيّك يا أمير ؟ :)

نكت حلوة و دمّها خفيف فعلا :lol:

بس انت فين ؟ فين كتاباتك و مشاركاتك الجميلة ؟

مستنيين كتاباتك الجيدة و إلا قلمك هيزعل منك جدا :mrgreen: