أريد تلميذا

للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, رجاء مراعاة قوانين هذا القسم جيدا قبل الكتابة فيه.

المشرف: تنهيدة

قوانين المنتدى
للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, مع الإلتزام بحدود لائقة فى المزاح بين الأعضاء, وعدم التجريح فى أى عضو فى الأكاديمية أو استخدام أسماء أى شخصيات عامة والتشهير بها.
أضف رد جديد
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

أريد تلميذا

مشاركة بواسطة الزهراء »

نجد في النهر ما لا نجده في البحار و كثيرا ما تتاح لنا الفرص دون أن نستغلها في حين أن غيرنا يتمنى ربع هاته الفرصة و التي قد تأخذ به من لا شيء إلى اعتلاء قمم النجاح

..........................................................................................................................................
تحت الرعاية السامية لجهات مخفية و تقريبا غير موجودة على أرض الواقع تشاركت جميعها لتقديم البطلتين :
ميس سلمى و الفراشة عنايات
في :
أريد تلميذا
فيلم للزهراء
بطولة :
مجموعة غير منتهية من التلاميذ
بمشاركة مميزة لكل من : الأستاذ وليد و ميس جيهان
ظهور خاص للنجم : محمد محمود
-الحلقة الأولى و أكيد الأخيرة
......................................
رن جرس نهاية الفسحة و كل التلاميذ كانوا خلاص عملوا الصف و اعتدلوا و تهيئوا لدخول أقسامهم ...
و للعلم في 3 أقسام : قسم اللغة العربية اللي بيدرس فيه الأستاذ وليد و قسم اللغة الانجليزية اللي بتدرس فيه ميس جيهان ، أما ميس سلمى الغلبانة فحظها الوحش خلاها ثقافة فرنساوي و خلاها بردو في رحلة بحث ولو على تلميذ واحد
و بكدة دخل كل واحد لصفو و للعلم الدراسة هنا اختياري يعني كل تلميذ يختار اللغة اللي هو عاوزها .و طبيعي كل الأقسام كانت مليانة على الآخر إلا قسم واحد ....
ميس سلمى: يا غب " رب " يا غب تلميذ واحد بس ...مش معقول كدة
في حين كانت عنايات بتعاين الوضع من بعيد و هي بتشوف ملامح الضجر و الاستياء على ميس سلمى تيجي جري ليها و هي بتقول :
ميس سلمى الساعة 10.30 و لسى م دخلتيش فصلك .." طبعا عايزة تغيزها "
سلمى : عنايات مش ناقصاكي انت كمان ...
تبتسم عنايات ابتسامة شريرة و تروح جري من غير م تبص وراها
في حين سلمى بتسمع في الوقت دة صوت الأستاذ وليد المرتفع و المنسجم في القاء دروس اللغة العربية و تتجه لفصلو و تقف خلف الباب تسمع شرحو :
الأستاذ وليد: و بكدة بيكون عندنا الفعل في زمن الماضي و الفعل المضارع و الأمر ...أولا بالنسبة ل...
و هنا يلاحظ خيال وراء الباب فيتجه مباشرة و يفتح الباب ليجد ميس سلمى محرجة
ميس سلمى: أ....صباح الخيغ يا أستاذ وليد ...
وليد مش طايق نفسو : أهلا صباح النور ...يا آنسة سلمى :lol:
سلمى بصوت منخفض : آنسة مصغ تفكغني يعني ...ما علينا
وليد : خير يا ميس سلمى محتاجة حاجة .....بس لو فاضية ممكن تتفضلي معانا تستمتعي شويا بدروس اللغة العربية :mrgreen: " عايز يغيزها طبعا "
تلقي سلمى نظرة على فصل وليد الممتلئ و تقول
سلمى : مممم ..بغافو ...الفصل مليان على الآخغ
وليد منزعج و بصوت منخفض: قري فيها ...ثم بصوت مرتفع ..اا يعني مش زي العوايد ...
سلمى: ليه هو العوايد أكتغ من كدة ...يا بختك
وليد خايف من الحسد :cry: : محتاجة حاجة ..يعني ورايا دروس ..
سلمى : أستاذ وليد م فيش حد عندك مل من الفعل و الفااعل ..مدايق من المفعول به ...
وليد : خالص كلو فرحان ..لو عايزة تتفضلي م فيش مشكلة ..
سلمى : نوو مغسي ....أ م لقاش عندك قطعة طباشيغ ...
وليد : أكيد ..اتفضلي " اعتقيني بس من القر بتاعك"
تذهب سلمى و و وليد بصوت مرتفع : م تخافيش يا ميس سلمى حتفغج " تفرج "
أما ميس سلمى فتلتقي في طريقها بميس جيهان المسرعة و كأن أحد بيجري وراها
ميس جيهان : صباح الخير ميس سلمى
ميس سلمى صباح النوغ ..ايه مالك بغدو م فيش طلبة :?:
ميس جيهان : أبدا ..الفصل مليان سبتهم يحلو في تمرين و خرجت أدور على قطعة طباشير ..م لقاش عندك ؟
ميس سلمى : الحقيقة م فيش الا دي ...اتفضلي
تأخذ جيهان قطعة الطباشير و تأتي للانصراف لكن تستوقفها سلمى بلهجة المغلوب على أمرو : جيهان ..م فيش حد عندك مل من نطق الآر و عايز ينطق أغ ...م فيش حد مل من رخامة الانجليزي و عايز شوية شياكة فغنساوي ....
جيهان : frentch ....never ...:P
سلمى : ليه بس:cry:
جيهان : أنا آسفة بس اتأخرت عندي درس مهم ..ممكن نتكلم بعدين ....
سلمى : أنا كدة حيجيلي اكتئاب :(
و هنا بقى بييجي مدير المدرسة الأستاذ محمد محمود اللي فورا بيتجه عند ميس سلمى
محمد: ايه يا ميس سلمى مش في فصلك ليه ...في مشكلة ؟
سلمى : فصل ايه يا حضغة الناظغ .... تعالى و بص حضغتك على الفصل
يتقدم الأستاذ محمد و يتظاهر بالاستعجاب و الاستغراب رغم انو على علم بكل حاجة " عنايات هانم طبعا"
محمد : طب و الحل
سلمى : مش عارفة ..مش سامع صوت الأولاد عند وليد و لا عند ميس جيهان ...أنا بس اللي حظي وحش ..
و هنا تنتبه سلمى لأمر ما و تقول : أستاذ محمد ..انت تعرف فغنساوي ؟
محمد و قد فهم المقصود و عرف انو حيتورط :
أ يعني ...شويا ...عن اذنك عندي اجتماع مدراء مهم أوي بيناقش ضرورة تعليم اللغة الفرنسية " و يفر هاربا "
تتنهد سلمى و تقول : حتى انت يا أستاذ محمود
و في الوقت اللي كانت فيه سلمى بتعيش دور الضحية في المدرسة و بتستعد لمشهد الحزن بتيجي عنايات و تقطع عليها وحدتها
عنايات : ميس سلمى م تعبتيش و انت واقفة ؟
سلمى : أكيد تعبانة جدا ...di1
عنايات بلهجة الزمالة : طب ياللا ياللا اتفضلي نكمل كلامنا جوا
تدخل عنايات و تتبعها سلمى التي تجلس على كرسي المكتب في حين تجلس عنايات على المكتب نفسه و تقترب من سلمى و تهمس في أذنها :
فعلا الدنيا دي نصيب thi1
سلمى : ليه؟
عنايات : انت م علافتيش ..الأستاذ وليد فصلو مش بيفضى خالص ..دة في زحمة هناك
سلمى : عارفة م أنا شفت بعنيا يا عنايات
عنايات : لا و ميس جيهان كمان ...و آخر المستجدات بقى انهم بيعملو دروس دعم
سلمى: دعم ..كمان ..هي مش الحكومة منعت الدروس الخصوصية ...
عنايات : عيني عليكي..يا ميس سلمى ..م لكيش بخت
سلمى : بخت ايه ؟ و نصيب ايه؟ angry1 ...مش مهم ..عادي ..اهو بريح نفسي من الدوشة و الزعيق ...و في الآخر بردو باخد مرتبي زي زيهم
تضحك عنايات باستهزاء : تبقي م عرفتيش :P
سلمى : ايه كمان؟
عنايات : مش في دخل ثابت و هو الأدنى ....و الباقي بيتصاعد على حسب عدد التلاميذ
سلمى : انت بتقولي ايه ؟ متأكدة :cry:
عنايات : طبعا هو أنا مرة قلتلكم حاجة و م طلعتش صح ..على العموم لسى واصل من ربع ساعة
سلمى : طب اعمل ايه أنا دلوقتي
تعتدل عنايات و بعد لف و دوران و بعد ما داخت سلمى :
انت م لكيش غير حل واحد :geek:
سلمي : الحقيني بيه ...
عنايات : لازم تدوري و لو على تلميذ واحد يرفع من مرتبك :!: ..أصل الراس الواحدة ب ...و الله مش عارفة معلوماتي النهاردة مش مفصلة أوي
سلمى : و أجيب منين م انت شايفة الأوضاع ...دة حاولت اغري الجميع بشتى الطرق شكولاطة و هدايا و حاجات كتيرة دة مرتبي كلو ضاع من غير فايدة
عنايات بعد تردد : أصل ...أأ أنا من زمان نفسي أتكلم فرنساوي ...ها قلتي ايه؟
ستتعجب سلمى و بعد تفكير تقول : انت ...عنايات تتكلمي فرنساوي:o ...و لو انها مهمة صعبة و تقريبا مستحيلة ..بس ما علينا ..ما باليد حيلة
عنايات : ياللا بينا على أول درس
سلمى : لا بس م فيش طباشير ...
هنا تخرج عنايات من جيبها مجموعة كبيرة من الطباشير و تقدمه لميس سلمى و تقعد زيها زي اي تلميذ و تقول :
خديها كلها ..المهم أتكلم فرنساوي ز1
جوا العين و ساكنة القلب
نحبك يا بلادي
......................
صورة
صورة العضو الرمزية
ماضى سعدون عبدالعال
أكاديمى نشيط
أكاديمى نشيط
مشاركات: 115
اشترك في: 01 يوليو 2009, 7:14 pm
Real Name: ماضى سعدون عبدالعال فراج
Favorite Quote: اللهم ما انى مغلوب على امرى فانتصرلى
مكان: القاهره
اتصال:

Re: أريد تلميذا

مشاركة بواسطة ماضى سعدون عبدالعال »

يا جمال خيالك
احيكى
clap1
خبر بروح البشر كل دعابة
كانت لك فى الحيات تذاع
فمن يسكن اليوم اعالى الجبال
يوما كان فى القاع
لا تبالى بلوم الناس فرب يوما
يلوذون اليك كلهم اطماع

ماضى سعدون عبدالعال
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: أريد تلميذا

مشاركة بواسطة سندريلا »

هههههههههههههههههههه
موضوع دمه خفيف يا سلمى .... يا ريت تكمليه و تعملي له أجزاء تانية زي موضوع ( إنها الحرب إذا ) ...
سوري إني رديت متأخر بس و الله إنتي عارفة المذاكرة و كدة ...
ميرسي ع الموضوع يا سلمى ... و يا رب دايما متألقة ...
صورة العضو الرمزية
mony
أكاديمى نشيط
أكاديمى نشيط
مشاركات: 136
اشترك في: 09 أكتوبر 2009, 4:13 am
Real Name: منى متولى
Favorite Quote: انتظار الفرج عبادة
verification: ID verified and trusted writer

أريد تلميذا

مشاركة بواسطة mony »

قصة حلوة اوى يا زهرة وتنفع مسلسل..ياريت تعمليلها اجزاء تانية
بالتوفيق انشاء الله
أضف رد جديد

العودة إلى ”ضحكة من القلب...“