تهنئة بالعيد

[المهاجر]

دى حاجة بسيطة منى كدا كتهنئة بالعيد ارجوا ان تقبلوها

تهنئة بالعيد

يا أخوتى فى الله بالعيد اهنيكم
أنتم اعز ما لى وبالورد اهديكم
اتمنى من الله لكم فى العيد السرور
وانا باكاديمتنا فى كل وقت فخور
عندنا كُتاب مبدعين وحب مش هيموت
حياتنا بالفرح مليانة والحزن علينا مش بيفوت
منى ليكم ورد بلدى وكمان قطعة ياقوت
بعيد الاضحى ازف التهانى لكم فتقبلوا
من اخ لكم الهدية لا للهدية ترجعوا
سابعث لكم بهدية كل فى مكانه
فلا تبرحوا مكانكم هو الصياد بالورد اتاكم
فاكر يا وليد اول يوم كتبنا كتابات
ولا يا همسة لما قولنا للكتاب تشجيعات
عدى علينا يا تنهيدة ورينا السلامات
تعالى يا قلب سمعينا احلى الكلمات
يا ابن مصر مالك واقف ليه بعيد
تعالى معانا وافرح يا عم بالعيد
أه يا خالد على القصص والحكايات
ولسة صغير ليك منى احلى القبلات
مين تانى لسة ما اخدش منى تحيات
هقول للكل نتقابل ان شاء الله فى الجنات

كل واحد يتنظر منى هدية من هنا ليوم العيد هدية خاصة

[ابن مصر]

كل سنة و انتا طيب يا احمد و كل سنة و الاكاديمية فى تقدم و بجد كلمتك دى احلة هدية فى العيد الاضحى المبارك بجد الف شكر بس ربنا يستر و مش نقضى العيد فى استضافة امن الدولة شكلك كده يا احمد ناويها و هتاكل هناك احلى اكل هاهاهاهاهاهاهاهاهه و هيكون عيد لن تنساه ربنا يستر بس و لا يهمك هبقى اجيلك بعيش و لحمة يالا يا سيدى

[الأمير الحائر]

والله يا أحمد مش عارف أحييك ازاى على مشاعرك الجميلة دى...بجد هايلة والله وأكيد دى أحلى تهنئة هتجيلى شخصيا فى العيد ده..وأكتر تهنئة أعتز بيها كونها من أخ ليا زيك يا أحمد ...وشكرا على ذكر اسمى...وطبعا فاكر أول يوم كتبنا كتابات...وتانى يوم وكل يوم...وكل أيام الأكاديمية وكتاباتها لحد اليوم بجد فاكرها وبعتز بيها دايما
بحييك يا أحمد وكل عام وأنت بألف خير

[تنهيدة]

كل سنة وانتى بالف خير يأحمد وديما تكون من الأعضاء الناشطين والمميزين طبعا انا بقدملك اغلى سلام ومستنية هديتك من عارفة طبعا ان أفكارك ديما جميلة

[المهاجر]

دى حاجة قليلة بس والله يا جماعة لا تكفى حبى ليكم تحياتى لكم جميعا وكل عام وانتم بخير

[همسه]

كل سنه وانت طيب يااحمد والاكاديميه كلها فى خير وعيد سعيد عليك وعليهامش حاجه جديده عليك انك تجمعنا كلنا فى حاجه جميله من اللى انت بتفاجئنا بيها على طول دى بس والله شعور نبيل منك انك تبادر بالكلام الهايل ده

[قلب حزين]

والله شكرا يا أحمد على ذوقك ومبادراتك الجميلة دايما وسورى اذا كنت جيت متأخرة بس ادينى جيت وزى ما انت قلت فى شعرك الجميل هأقول احلى كلام
كل سنة وأنتو طيبين والأكاديمية بخير......ومصر كلها بخير وبشكرك يا أحمد على شعرك الجميل جدا وتهنئتك المميزة كعادتك دايما

[الامير الصغير]

الله عليك يا احمد
شعر جميل جدا..وشكرا على ذكر اسمى..
كل سنة وأنت طيب وكل مصر طيبة