الله ياجيجى مفاجأة حلو أوى بجد يعنى مش بقيت جيجى بس بئه كمان سيف بس أنا زعلانة لان كدا جيجى الصغيرة أكبر من سيف كنا عايزين نجوزهم لبعض بس ممكن برضة دا يدوب فرق أسبوعين نتكلم فى الموضوع ده بعدين لما يكبروا شوية ...
بس بجد صورهم ماشاء الله جميلة بجد ملايكة... انا بموت فى صور الأطفال وهم لسه مفتحوش عنيهم ولا شافوا نور الدنيا وايديهم بيكونوا ضمنها بخوف كدا بيكون شكلهم فى منتهى الروعة ...
انا أقول للبنوتتنا الجميلة جيجى أنها لازم من وهى صغيرة تحلم بدنيا جميلة عشان يكبر الحلم معاه وتقدر تكون إنسانة مؤثرة فى المجتمع ...وأقولها كمان إن الدنيا جميلة لو حاولنا نفتش على جمالها ... وبجد انت نورتى الدنيا ياجيجى .. ويارب تكون أيامك كلها سعادة
أما سيف العسل .. بجد باين عليه انه هيكون راجل له كلمة بيبان برضة من اللفة لان البنت باين عليه الرقة من وهى برضة فى اللفة .. لكن سيف باين عليه الشخصية الجامدة وأنا فى أول أيامة فى الدنيا بقولة شرفت الدنيا كله ياسيف واسمك جميل سيف الدين ويارب فعلا تكون السيف للدين وتقدر تحقق شئ عظيم يرفع راية دينا زى ماكانت دايما ...
أما أنت ياجيجى ياكبيرة بجد أنت عسولة جدا لانك شاركتينا فرحتك باأطفالكم الجديدة والرائع فعلا هو أحساسك بالأنتماء للأكاديمية واننا بيت واحدة ومتأكد ان الا يفرحك يفرحنا وبجد هو ده سر نجاح أكاديمتنا ...
الف مبروك ياجيجى على أطفالكم الجمال وربنا يباركلكم فيهما ودايما يكون بيتكم مليان بالفرح بس فين حاجات السبوع ...على فكرة انا بعتبر الموضوع هديه مخصوص عشانى لانى بجد كان نفسى أشوف صورة جيجى الصغيرة بس الهدية كانت اجمل وأجمل بصورة سيف كمان
بشكرك ياجيجى على الموضوع الجميل ده وعقبال ما نشوف صور أطفالك بس وقتها تسمى حد فيهم نهاد سواء ولد أو بنت نهاد ينفع ولد وبنت مليش دعوى
ودى شوية هدايا كدا عشان سيف وجيجى
