سؤال:بتكتب ليه وامتى ولمين و ....؟؟

خطواتك الأولى على درجات الأكاديمية, لتعريف باقى الأعضاء بنفسك عن طريق المواضيع الشخصية والنقاشية المختلفة.

المشرف: تنهيدة

قوانين المنتدى
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: سؤال:بتكتب ليه وامتى ولمين و ....؟؟

مشاركة بواسطة Ghadat2009 »

هــبة :

أولا : أشكرك لمرورك الجميل و المميز صورةصورة
1-اجابة ملفته ! بدأت تكتبي في سن صغير كده !
2- جميل ان زي ما بابا شجعك فانت بتشجعي أختك ...
3-بس المحاولة ما فيهاش ضرر برضه !
4-الف مبروك عالمركز التالت و يارب دايما !
5-صورةصورةصورة
6- كلامك كان واضح فيه العقل و الهدوء لحد ما جت سيرة الماتشات !
7-واضح ان ثقافتك متنوعة و ده بيفيد جدا _ اعتقد- في الكتابة !
8- أيوة للأجيال القادمة !
9-حبك للكتابة جميل جدا !
صورة سعدت بالتعرف الأدبي عليكي صورة و اتمنى لك اجمل مستقبل مع الكتابة و التعبير الحر عن كل ما تريدين !
آخر تعديل بواسطة Ghadat2009 في 21 فبراير 2009, 3:52 am، تم التعديل مرة واحدة.
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
dr_hope
أكاديمى نشيط
أكاديمى نشيط
مشاركات: 173
اشترك في: 09 فبراير 2009, 9:17 am
Favorite Quote: لا تنس ذكر الله
مكان: مصر
اتصال:

Re: سؤال:بتكتب ليه وامتى ولمين و ....؟؟

مشاركة بواسطة dr_hope »

[quote]بيتهيألي كده ان عدم تمكنك من كتابة الرواية اللي عايز تكتبها وراه نظرتك -الساخرة طبعا - للقراءة على انها مجرد تضييع وقت ! يعني لو خدتها جد حتى لو بتكتب هزار حتقدر تكتب روائع ..صورة[/quote][/size][/color]

أصبتِ كبد الحقيقة؛ ماشاء الله ..

اللهم إلا حكاية الروائع دي صورة

من جديد شكرا على الموضوع المميّز
حسبنا الله و نعم الوكيل !
لوسفير
أكاديمى نشيط
أكاديمى نشيط
مشاركات: 174
اشترك في: 09 فبراير 2009, 2:57 am
Favorite Quote: لا حياة بدون يأس ولا يأس بدون حياة (وعجبى)

Re: سؤال:بتكتب ليه وامتى ولمين و ....؟؟

مشاركة بواسطة لوسفير »

1-من قعده صفى مع نفسى
2-لا احد
3-نعم
4-نعم عبر المواقع وليس فى الحياء العمليه ..بسبب صغر سنى
5-انشاء روايات لى .....وان اشترك مع د(احمد خالد)...فى روايه ان شاء الله
6-تربيه الحيوانات والصيد
7-فى العالم العربى (احمد خالد)....والعالم (مركيز ) و(اميللى)
8-لنفسى
9-لا اعلم لكنى اجد فى كتابتى المغموره متعه غريبه ......ربما هكذا افضل
10-الروايات...و القصص القصيره
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: سؤال:بتكتب ليه وامتى ولمين و ....؟؟

مشاركة بواسطة الأمير الحائر »

تنهيدة كتب: بقرأ ليكمكلكم ...واللهى بجد أنا بحب قوى أقراه كتاباتكم ...بحب أقراه كل كتاباتوليد بحس أنه متنوع وانه كاتب شامل المفروض يكون بقه أسمه على كتب..
مش عارف أشكرك إزاى يانهاد بجد على كلامك الجميل فى كل ردك وعلى إجاباتك الرائعة والجميلة جدا...وأنا أسعد كاتب فى الدنيا بحبك لكتاباتى...صورةصورةصورة


ghadat2009 كتب:إجاباتك بجد رائعة جدا !صورة اسمح لي أطلق عليك أمير التأمل أو الفيلسوف الحالم

توقفت عند بدايتك : كتابة ساخرة و رسوم كاريكاتيرية و الآن حب الكتابة الرومانسية ... تطور مذهل !صورة
أنا بجد مش عارف ليه الأيام دى بقيت بأسمع كلمة الفيلسوف دى عليا كتير...بس بأشكرك ياغادة بجد على الألقاب الجميلة صورة وأنا فعلا حتى كنت بكتب اسمى زمان تحت كتاباتى " أمير الرومانسية الحائر " وبعد كده استطولت الإسم ده غير إنى بقيت بكتب فى حاجات كتير غير الرومانسية...بس زى ماقولت أكتر حاجة بحب أكتبها هى الرومانسيات عموما..لإنها مناسبة لشخصيتى أكتر...
ghadat2009 كتب: لاأدري لماذا تحمل هذا الرأي للمسابقات ؟ أعتقد ان الفوز في المسابقات امرمشجع و ليس معناه ان من يدخلها لا يكتب حبا في الكتابة ...صورة
أنتى فهمتى وجهة نظرى غلط خالص ياغادة...أنا عارف إن الفوز أمر مشجع للكاتب وفخر ليه...وماقولتش إنها عيب...ولا قولت إن لازم اللى يدخل مسابقة لا يكتب حبا فى الكتابة...لما قولت تعبير " مسابقاتى " كان قصدى إن فيه ناس قاعدة ليل نهار تدور على مسابقات تدخل فيها أعمالها من غير ما تفكر تطور أعمالها أكتر بالعرض وبالمناقشة...وأنا أعرف ناس كده فعلا...وعشان كده قصدت أقول إنى مش مسابقاتى من النوعية دى..أنا بحب أعرض كتاباتى وأقرا كتابات تانية وهكذا..ده أفضل عندى من ألف مسابقة بجد..والدليل إنى ما إشتركتش غير فى مسابقة واحدة بس...ده كان قصدى...إنى بحب الكتابة للكتابة...ومش بحب المسابقات...ولا ربط بين حبى للكتابة ككتابة وبين عدم حبى للمسابقات..دى كلها تفضيلات شخصية ليا وأكيد فيه ناس كتير ليهم نفس الرأى وأخرين لهم رأى أخر...
ghadat2009 كتب: بس واضح انك كاره صورةنظام التعليم و الكلية بتاعتك ( هي كلية أدبية ام لا؟)

صورةصورةصورة
كنت..فى هندسة..وهى سبب بعدى عن أى نشاط..حاليا فى أداب قسم فلسفة...ولذلك متفرغ أكثر حاليا لهواياتى...وأهمها الكتابة هنا فى الأكاديمية...صورة
ghadat2009 كتب: يسعدني جدا ان تقرا لي و استفيد من تعليقاتك العميقة المستفيضة الأكثر من رائعة بصراحة
أشكرك جدا على تعريفنا بك أدبيا
صورةصورةصورة
بشكرك ياغادة ..بس نسيتى أنتى كمان تعرفينا ادبيا عليكى... صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: سؤال:بتكتب ليه وامتى ولمين و ....؟؟

مشاركة بواسطة Ghadat2009 »

أشكرك يا وليد على انك فكرتني أجاوب على أسئلتي ...كنت ناسية فعلا!!صورة

1- يا ترى اكتشفت امتى وازاي حبك للكتابة ؟صورة

من أيام ابتدائي كنت بحب جدا مواضيغ الإنشاء و باخترع مواضيع اكتب فيها و كنت باخد درجات عالية فيها- لما كنا نروح أي رحلة مدرسية أو عائلية كنت أحب أكتب عنها ..و لما بقيت في ثانوي بدأت أكتب أحاسيسي بس لنفسي..
2- فيه حد شجعك أو وجهك ؟صورة
أختي كانت دايما تشجعني اني أستمر في الكتابة ...و كمان مدرساتي للغة العربية كانوا أجمل تشجيع لي - أما تشجيع أصدقائي الجدد في الأكاديمية الجميلة دي فهو أكبرتشجيع حصلت عليه في حياتي و أخص بالذكر و الامتنان (الأمير الحائر وليد -و تنهيدة نهاد و هالة و مؤخر ا لارا و لوسفير .....و فريق الأكاديمية الأكثر من رائع )

3- جربت تكتب لمجلات أو جرايد ؟ صورة
جربت أكتب لمجلة اسمها ( هو و هي )
4- فزت بأي مسابقات أدبية؟صورة
فزت مرتين مرة أظن بالمركز الثالث و مرة بالمركز الثاني في مسابقات الكتابة لمجلة هو و هي و كانت الجوائز ( نشر الأعمال +جوائز رمزية )
5- إيه هدفك من الكتابة ؟صورة
أنا بحب الكتابة نفسها يعني ساعات اكتب عشان عايزة اكتب و بتكون نتيجة أحاسيس أو تخيلات أو تجارب لي أو للآخرين ... و ساعات أحس اني في بعض القضايا و الأمور نفسي أعمل حاجة بجد و لو مفيش في ايدي الا القلم فاحب يكون زي السلاح تمام - و باتمنى ساعات اكتب حاجة تسعد غيري او تنسيهم مشاغلهم او همومهم و لو دقايق !و كمان اتمنى اني في يوم اعرف اوصل لعقلية الطفل و اكتبله حاجة ممتعة و هادفة و افتكر ان ده شيء من النوع السهل الممتنع و لاّ ايه ؟

6- عندك هوايات غير الكتابة ؟صورة
عندي هوايات : زي الرسم اللي مش لاقياله وقت اوي - رسم الكاريكاتيرو كنت باعمل مجلات حائط كاريكاتير - تعلم برامج كمبيوتر متنوعة مابين جرافيكس و مباديء برمجة- التحليل النفسي و قريت فيه كتير و كمان مرة اخدت كورس افادني جدا - تطوير نفسي لغويا و تنمويا ..... يعني! انا كده طولت عليكم
7- بتقرأ لمين؟صورة
قراءاتي متنوعة و كل فترة احس بتغلب مجال على الآخر فمثلا في فترة كنت أقرأ لشكسبير و أخرى لنجيب محفوظ-احسان عبد القدوس -أنيس منصور-يوسف معاطي-أجاثا كريستي - فرويد - و كثير جدا من كتب التحليل النفسي والآن مهتمة جدا بقراءة كتابات أعضاء الأكاديمية و خاصة فعلا : الأمير الحائر المتنوع و المتحدي و اعتبره نموذج يحتذى به - تنهيدة و كتاباتها باحساس عالي هبة و اسلوبها المشوق الممتع - لارا برقتها - هالة بخفة دمها - لو سفير بغموضه ......الخ و عذرا لمن لم اذكره لعدم الاطالة
8- بتكتب لمين ؟صورة
لنفسي احيانا و لمن يحب ان يقرا ما اكتب ....احيانا احس اني اريد ان يقرأ كل الناس ما اكتب و ان يكون لي دور في تخفيف ا
عباء الحياة عليهم
9- بتحلم تحترف الكتابة ؟ولا تبقى هواية و بس!صورة
اتمنى احترف لكن ان اظل اكتب بروح الهاوي
10-ايه المجال الأدبي اللي لقيت نفسك فيه أكتر من غيره ؟



بصراحة دايما كنت بحب القصة القصيرة و بعدها كتابة الخواطر أما دلوقتي فبجد أنا باستمتع بتجربة حاجة مختلفة زي المقالات و المذكرات الكوميدية و التجربة لا تضر بل تعطي خبرة و حتى ان فشلت فأنا أعتز بالمحاولة صورة و من تاني باشكر وليد جدا على تشجيعي و باقي الأعضاء على اقتحام مجالات جديدة في الكتابة صورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: سؤال:بتكتب ليه وامتى ولمين و ....؟؟

مشاركة بواسطة الأمير الحائر »

بما إن أنتى صاحبة الموضوع ياغادة ومش ينفع تردى على ردك فخلينى أخد دورك وطريقتك المرة دى فى الرد على تعريفك الأدبى بنفسك...( وده مع إنك من الحزب المعادى بس يلا...عدى الجمايل ) صورة
ghadat2009 كتب:أشكرك يا وليد على انك فكرتني أجاوب على أسئلتي ...كنت ناسية فعلا!!صورة
إزاى تنسى تجاوبى وأنتى اللى كاتبة الأسألة أصلا.. مش لازم تعملى نموذج إجابة صورة
ghadat2009 كتب:
1- يا ترى اكتشفت امتى وازاي حبك للكتابة ؟صورة

منأيام ابتدائي كنت بحب جدا مواضيغ الإنشاء و باخترع مواضيع اكتب فيها وكنت باخد درجات عالية فيها- لما كنا نروح أي رحلة مدرسية أو عائلية كنتأحب أكتب عنها ..و لما بقيت في ثانوي بدأت أكتب أحاسيسي بس لنفسي..
2- فيه حد شجعك أو وجهك ؟صورة
أختي كانت دايما تشجعني اني أستمر في الكتابة ...و كمان مدرساتيللغة العربية كانوا أجمل تشجيع لي - أما تشجيع أصدقائي الجدد فيالأكاديمية الجميلة دي فهو أكبرتشجيع حصلت عليه في حياتي و أخص بالذكر والامتنان (الأمير الحائر وليد -و تنهيدة نهاد و هالة و مؤخر ا لارا و لوسفير .....و فريق الأكاديمية الأكثر من رائع )
والله فعلا أنا كنت ناسى إنى كمان كنت بحب مواضيع الإنشاء دى و مرة فى الإبتدائى كتبت قصة قصيرة فى إمتحان العربى فى خانة التعبير...وعشان كده كانت أقل الدرجات فى العربى صورة تشجيع تشجيع يعنى صورة بس كويس أنك كنتى بتاخدى درجات عالية..وموضوع إنك تكتبى عن الرحلات دى حاجة جميلة جدا ما بتجيش فى بال أى طفل عادة..وأعتقد تشجيع أختك والمدرسين فادك جدا..وشكرا على شكرك ليا ولكل زمايلنا فى الأكاديمية من المشجعين ليكى وإحنا أسعد بده أكيد صورة
ghadat2009 كتب:3- جربت تكتب لمجلات أو جرايد ؟ صورة
جربت أكتب لمجلة اسمها ( هو و هي )
4- فزت بأي مسابقات أدبية؟صورة
فزتمرتين مرة أظن بالمركز الثالث و مرة بالمركز الثاني في مسابقات الكتابةلمجلة هو و هي و كانت الجوائز ( نشر الأعمال +جوائز رمزية )
أنا حاسس إنى قريت أو شفت مجلة بالإسم ده قبل كده...بس أمتى مش فاكر...صورة ومبروك على الفوز ويارب فى يوم يتصدرلك عمل لمجلة أو جريدة كبيرة صورة
ghadat2009 كتب:5- إيه هدفك من الكتابة ؟صورة
أنابحب الكتابة نفسها يعني ساعات اكتب عشان عايزة اكتب و بتكون نتيجة أحاسيسأو تخيلات أو تجارب لي أو للآخرين ... و ساعات أحس اني في بعض القضايا والأمور نفسي أعمل حاجة بجد و لو مفيش في ايدي الا القلم فاحب يكون زيالسلاح تمام - و باتمنى ساعات اكتب حاجة تسعد غيري او تنسيهم مشاغلهم اوهمومهم و لو دقايق !و كمان اتمنى اني في يوم اعرف اوصل لعقلية الطفل واكتبله حاجة ممتعة و هادفة و افتكر ان ده شيء من النوع السهل الممتنع ولاّ ايه ؟

6- عندك هوايات غير الكتابة ؟صورة
عنديهوايات : زي الرسم اللي مش لاقياله وقت اوي - رسم الكاريكاتيرو كنت باعملمجلات حائط كاريكاتير - تعلم برامج كمبيوتر متنوعة مابين جرافيكس و مباديءبرمجة- التحليل النفسي و قريت فيه كتير و كمان مرة اخدت كورس افادني جدا -تطوير نفسي لغويا و تنمويا ..... يعني! انا كده طولت عليكم
إجاباتك هنا رائعة بجد..والوصول لعقلية الطفل بحاجة هادفة مش صعب أوى لو تعبنا فى خلق فكرة مناسبة..لكن العيب فى ناس بتستخف بعقول الأطفال وبالكتابات الموجهة ليهم..يعنى أنتى بس دورى على فكرة ومستنيين تحدى فى قسم أدب الأطفال كمان صورة
جميل التنوع ده فى هواياتك و فيها كتير من هواياتى كتصميم وبرمجة وكده..وكنت زمان بحب أقرا أوى فى علم النفس وبفكر أبقى دكتور نفسى قبل ما أعقل عشان مش يجننونى زى دكتورة سمية صورة...وأعتقد علم النفس بيفيد أصلا فى الكتابة عشان الكاتب يتعمق فى شخصية البطل و نفسية الشخوص فى العمل...يعنى الهواية دى ليها فايدة رائعة أدبيا...
ghadat2009 كتب:
7- بتقرأ لمين؟صورة
قراءاتيمتنوعة و كل فترة احس بتغلب مجال على الآخر فمثلا في فترة كنت أقرألشكسبير و أخرى لنجيب محفوظ-احسان عبد القدوس -أنيس منصور-يوسفمعاطي-أجاثا كريستي - فرويد - و كثير جدا من كتب التحليل النفسي والآنمهتمة جدا بقراءة كتابات أعضاء الأكاديمية و خاصة فعلا : الأمير الحائرالمتنوع و المتحدي و اعتبره نموذج يحتذى به - تنهيدة و كتاباتها باحساسعالي هبة و اسلوبها المشوق الممتع - لارا برقتها - هالة بخفة دمها - لوسفير بغموضه ......الخ و عذرا لمن لم اذكره لعدم الاطالة
8- بتكتب لمين ؟صورة
لنفسي احيانا و لمن يحب ان يقرا ما اكتب ....احيانا احس اني اريد ان يقرأ كل الناس ما اكتب و ان يكون لي دور في تخفيف ا
عباء الحياة عليهم
صورة جميل التنوع ده فى قرايتك...ودى حاجة تسعدنى جدا إنك حسيتى بفكرة التحدى لكتابة أنواع جديدة عشان نشوف إبداعاتك بكل شكل ولون أدبى..صورة
ghadat2009 كتب:9- بتحلم تحترف الكتابة ؟ولا تبقى هواية و بس!صورة
اتمنى احترف لكن ان اظل اكتب بروح الهاوي
الإجابة دى لوحدها حكاية..روح الهاوى.. إجابة رغم اختصارها لكن حقيقى خير الكلام ما قل ودل...وعشان كده لاتعليق غير رائع...صورة
ghadat2009 كتب:10-ايه المجال الأدبي اللي لقيت نفسك فيه أكتر من غيره ؟
بصراحة دايما كنت بحب القصةالقصيرة و بعدها كتابة الخواطر أما دلوقتي فبجد أنا باستمتع بتجربة حاجةمختلفة زي المقالات و المذكرات الكوميدية و التجربة لا تضر بل تعطي خبرة وحتى ان فشلت فأنا أعتز بالمحاولة صورة و من تاني باشكر وليد جدا على تشجيعي و باقي الأعضاء على اقتحام مجالات جديدة في الكتابة صورة
بجد دى أسعد حاجة حصلت إنى شفتك بتدخلى فى المجالات الجديدة دى لأنى فعلا حاولت أوصل لكذا حد قبل كده فى الأكاديمية فكرة إقتحام مجالات جديدة اللى أنا طبقتها وسعيد بيها...وأنتى طبقتى الفكرة بطريقة رائعة جدا وزى ما قولتلك اللى يشوف حاجة زى مذكراتك الكوميدية الأولى ما يصدقش إنه أول تجربة..يعنى الفكرة نجحت معاكى بتقدير امتياز صورة ويارب للأمام دايما ونشوفلك أعمال متنوعة جميلة...صورة
سلام بقى كفاية كده إحتلال لدورك فى الموضوع صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: سؤال:بتكتب ليه وامتى ولمين و ....؟؟

مشاركة بواسطة تنهيدة »

أنا حبيت أسجل أعجابى بأجوبتك ياغادة وحقيقى أجابات مميزة ...بس احنا أضطرينا نستعينا بمصحح خارجى من الحزب المعادى بس بصراحة هو كان منصف جدا وحلل الأجوبة بمنتهى الأمانة فأحنا بنشكره ..بس ده مش حيغير حاجة فى نظام الحرب صورة
أرجع لآجاباتك الا بجد أستمتعت جدا وأنا بقرأها بس شدتنى أوى محترف بروح الهاوى بجد أجابة جميلة بتدل على شخصية جميلة وكاتبه مميزة جدا ..أنا بجد سعيدة بتواجدك معانا ياغادة وبتنوعك فى الكتابة وبحبك للأكاديمية وأعضاءها صورةعجبتنى كمان هواياتك وشجعتنى جدا أنى أقول هوايتى أصل أنا كمان بحب أقراه فى كتب التحليل النفسى وعندى قدرة انى أسمع مشاكل الناس بس أصحابى كانوا بيضحكوا علية لما كنت بستعير من المكتبة كتب عن التحليل النفسى ...ومن الحاجات المفضلة بالنسبالى سماع الراديو تقريبا طول النهار فتحاه حتى وأنا نايمة بسيبه مفتوخ بموت فى سماع الآخبار بتاعت الراديو ..وعندى شوية هوايات طفولية شوية فبلاش أحس تسمعوه صورة
بحيك ياغادة ويارب تحققى كل أحلامك وتبقى كاتبة مشهورة صورةصورة
صورة
صورة العضو الرمزية
Noorlay
أكاديمى جديد
أكاديمى جديد
مشاركات: 8
اشترك في: 20 فبراير 2009, 2:53 am
Favorite Quote: إذا جاءك الطعن من الخلف , فاعلم أنك فى المقدمة

Re: سؤال:بتكتب ليه وامتى ولمين و ....؟؟

مشاركة بواسطة Noorlay »

ghadat2009 كتب:سؤال بيلح علي فقلت أجرب و اسأل ....
اسئله تااااااااااااااااااااااااااانى .... ماشى ما انا اصلى اتعودت !!!صورة
1- يا ترى اكتشفت امتى وازاي حبك للكتابة ؟صورة
امممممممم ....... اكتشفتها السنه اللى فاتت ..
ازاى ..ازاى ... ازاى ...صورة
هو انا كنت باكتب خواطر ومش كانت فارقة معايا كنت باكتب وخلاص
وفجأه مسكت القلم وكتبت قصة قصيرة ....
كانت فكرتها عميقة واحداثها غريبة ... ساعتها عرفت انى موهوبة
2- فيه حد شجعك أو وجهك ؟صورة
ماما ... شجعتنى جامد ولحد دلوقتى
3- جربت تكتب لمجلات أو جرايد ؟ صورة
لا ... دا لو اعتبرنا مجلة الكلية دى مجلة !!!!!
4- فزت بأي مسابقات أدبية؟صورة
قدمت فى مسابقتين ... فى الكلية
واعلنو الفائزين فى كل الاقسام ..ماعدا القصة القصيرة !!!! صورة
5- إيه هدفك من الكتابة ؟صورة
اعبر عن الحياة عموما وعن كل فكرة بتجذب انتباهى
6- عندك هوايات غير الكتابة ؟صورة
الرسم ....
7- بتقرأ لمين؟صورة
اممممممممممم ....باحب اوى صلاح جاهين
واحسان عبد القدوس ...
لكن للاسف معظم كتبى عن ادباء اجانب
8- بتكتب لمين ؟صورة
مش لحد ..... باكتب وخلاص
9- بتحلم تحترف الكتابة ؟ولا تبقى هواية و بس!صورة
باحلم حاليا ابقى متميزة فيها فى مجتمعى الصغير النونو
لحد ما احقق اهدافى العلمية بعدها ان شاء الله احترفها .. دا لو هى على قد المستوى المطلوب
10-ايه المجال الأدبي اللي لقيت نفسك فيه أكتر من غيره ؟صورة

القصة القصيرة .... على الرغم من انى باكتب خواطر كتير
لكن للقصة معزه خاصة ...باحس انى ممكن ابدع فيها صورة
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: سؤال:بتكتب ليه وامتى ولمين و ....؟؟

مشاركة بواسطة Ghadat2009 »

الأمير الحائر كتب:أنا حاسس إنى قريت أو شفت مجلة بالإسم ده قبل كده...بس أمتى مش فاكر...صورة ومبروك على الفوز ويارب فى يوم يتصدرلك عمل لمجلة أو جريدة كبيرة صورة
طبعا ! انا متوقعة تريقة! ماهي المجلة دي كانت مغمورة شوية بس كانت جميلة ! و للأسف -من غير ما تضحك-قفلوها من مدة مش كبيرة !على فكرة انا ساعتها اتفاجئت جدا انهم نشروا لي فما بالك اني افوز معاهم ؟ سعادتي كانت كبيرة مع ان المجلة مش كبيرة !
الأمير الحائر كتب: إجاباتك هنا رائعة بجد..والوصول لعقلية الطفل بحاجة هادفة مش صعب أوى لو تعبنا فى خلق فكرة مناسبة..لكن العيب فى ناس بتستخف بعقول الأطفال وبالكتابات الموجهة ليهم..يعنى أنتى بس دورى على فكرة ومستنيين تحدى فى قسم أدب الأطفال كمان صورة
أشكرك على المدح الجميل ...بس أنا بحس انه صعب أو زي ما قلت سهل ممتنع ...يعني الطفل دلوقتي مش هيسمع الحكايات اللي كنا بنسمعها و نستمتع بيها و احنا صغيرين ..ده طفل الانترنت و الدش ! لازم توصله بشكل مناسب و مقنع ليه و هنا ..الصعوبة...مش عارفة هل فعلا أقدر أكتب للطفل؟ ممكن أحاول ..
الأمير الحائر كتب: جميل التنوع ده فى هواياتك و فيها كتير من هواياتى كتصميم وبرمجة وكده..وكنت زمان بحب أقرا أوى فى علم النفس وبفكر أبقى دكتور نفسى قبل ما أعقل عشان مش يجننونى زى دكتورة سمية صورة...وأعتقد علم النفس بيفيد أصلا فى الكتابة عشان الكاتب يتعمق فى شخصية البطل و نفسية الشخوص فى العمل...يعنى الهواية دى ليها فايدة رائعة أدبيا...
أنا بدأت أقرا في علم النفس من و أنا عمري 13 أو 14 سنة ! و بجد كنت باعشق القراية فيه و فكرت اتخصص في الحقل لكن كل شيء نصيب ..و علم النفس أفادني كتير في التعامل مع الناس و في هوايتي المصاحبة ليه و هي التحليل النفسي لي و للمحيطين بي ...و اكيد مفيد لما بكتب ... و سيبك من الدكتورة سمية ..دي هاتشوف أيااام !!
الأمير الحائر كتب: الإجابة دى لوحدها حكاية..روح الهاوى.. إجابة رغم اختصارها لكن حقيقى خير الكلام ما قل ودل...وعشان كده لاتعليق غير رائع...صورة
و الله انت اللي بتجيد فن دفع و تشجيع اللي حواليك بشكل ملفت و جميل !صورة
الأمير الحائر كتب: بجد دى أسعد حاجة حصلت إنى شفتك بتدخلى فى المجالات الجديدة دى لأنى فعلا حاولت أوصل لكذا حد قبل كده فى الأكاديمية فكرة إقتحام مجالات جديدة اللى أنا طبقتها وسعيد بيها...وأنتى طبقتى الفكرة بطريقة رائعة جدا وزى ما قولتلك اللى يشوف حاجة زى مذكراتك الكوميدية الأولى ما يصدقش إنه أول تجربة..يعنى الفكرة نجحت معاكى بتقدير امتياز
امتياز !ربنا يكرمك ! سعيدة جدا برأيك !صورة
الأمير الحائر كتب:ويارب للأمام دايما ونشوفلك أعمال متنوعة جميلة...صورة
سلام بقى كفاية كده إحتلال لدورك فى الموضوع
أشكرك جدا على تعليقك المميز جدا ...و باشكرك جدا على دعمك لكل من حولك .... و بجد وجودي معاكم فرق معايا كتير ! صورةصورةصورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: سؤال:بتكتب ليه وامتى ولمين و ....؟؟

مشاركة بواسطة Ghadat2009 »

تنهيدة كتب:أنا حبيت أسجل أعجابى بأجوبتك ياغادة وحقيقى أجابات مميزة ...بس احنا أضطرينا نستعينا بمصحح خارجى من الحزب المعادى بس بصراحة هو كان منصف جدا وحلل الأجوبة بمنتهى الأمانة فأحنا بنشكره ..بس ده مش حيغير حاجة فى نظام الحرب صورة
أرجع لآجاباتك الا بجد أستمتعت جدا وأنا بقرأها بس شدتنى أوى محترف بروح الهاوى بجد أجابة جميلة بتدل على شخصية جميلة وكاتبه مميزة جدا ..أنا بجد سعيدة بتواجدك معانا ياغادة وبتنوعك فى الكتابة وبحبك للأكاديمية وأعضاءها صورةعجبتنى كمان هواياتك وشجعتنى جدا أنى أقول هوايتى أصل أنا كمان بحب أقراه فى كتب التحليل النفسى وعندى قدرة انى أسمع مشاكل الناس بس أصحابى كانوا بيضحكوا علية لما كنت بستعير من المكتبة كتب عن التحليل النفسى ...ومن الحاجات المفضلة بالنسبالى سماع الراديو تقريبا طول النهار فتحاه حتى وأنا نايمة بسيبه مفتوخ بموت فى سماع الآخبار بتاعت الراديو ..وعندى شوية هوايات طفولية شوية فبلاش أحس تسمعوه صورة
بحيك ياغادة ويارب تحققى كل أحلامك وتبقى كاتبة مشهورة صورةصورة

دايما كلك ذوق و رقة كده ؟ صورة
أنا سعيدة جدا بقراءتك لكتب التحليل النفسيصورةصورةصورة .. لكن مالكيش دعوة برأي أي حد بالذات في الهوايات ..دي شيء شخصي جدا ! اما سماع الراديو .. و على الأخبار !صورة فده اللي فعلا مميز في زمن النت و الدش ... بس بقى نفسي أعرف الهوايات الطفولية دي !صورة
و باتمنى ربنا يحقق لك كل امنياتك و احلامك و تبقي ارق شاعرة و كاتبة صورةصورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
أضف رد جديد

العودة إلى ”من أنت...؟“