كورس تفاؤل

خطواتك الأولى على درجات الأكاديمية, لتعريف باقى الأعضاء بنفسك عن طريق المواضيع الشخصية والنقاشية المختلفة.

المشرف: تنهيدة

قوانين المنتدى
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

كورس تفاؤل

مشاركة بواسطة رحاب صفا »

تقدر تبتسم طول النهار؟ صورة
فاكر آخر مرة ضحكت فيها من قلبك ...ضحكت فيها قوي ...دمعت من كتر الضحك ...واضطريت تبطل ضحك لما تعبتصورة ...فاكر؟
ياااااااااااااااه
كل ده تفكير؟!!!!!صورةصورة
طب آخر مرة اتكلمت بتفاؤل كانت امتى؟
طب امتى آخر مرة حسيت إن الدنيا حلوة؟

قابلك حد يائس وبائس ومحبط وكاره عيشته وبعد ما اتكلم معاك شاف الدنيا بعيون تانية...وابتسم وانت ارتحت لإنك كنت السبب ؟

مش معقولة تكون مش فاكر كل ده.... !!!!!!!!!!!!!!
ممممممممممم .........طب هسألك عن حاجات متهيألي ممكن جداً تكون فاكرها...
امتى آخر مرة نفخت بزهق؟
امتى آخر مرة اشتكيت من الظروف والأيام والسدود؟ صورة
امتى آخر مرة اتنرفزت وحسيت إنك عايز تصرخ؟ صورة
امتى آخر مرة حسيت بحاجة تقيلة على نفسك مش عارف ليه؟
امتى آخر مرة اتخنقت من غير سبب؟ صورة
لو كل إجاباتك طلعت سلبية...

يبقى لازم تلحق تشترك في كورس التفاؤل ...
يمكن من عارف

وإلى لقاء قادم في الحصة اللي جاية.صورةصورة
آخر تعديل بواسطة رحاب صفا في 07 مايو 2009, 9:17 am، تم التعديل مرة واحدة.
السكون للامعقول قدر لا نفقه تفسيره.
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: كورس تفاؤل

مشاركة بواسطة donnabella »

تصدقي وتآمني بالله ... إنتي نكدتي عليهصورة
انا كدة لازم ادخل في الكورس صورة
لو دي طريقتك في الدعاية يبقى برافو نجحتيصورةصورة
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
صورة العضو الرمزية
ابن مصر
أكاديمى نشيط
أكاديمى نشيط
مشاركات: 261
اشترك في: 04 نوفمبر 2008, 2:47 pm

Re: كورس تفاؤل

مشاركة بواسطة ابن مصر »

بجد يا رحاب انا بجد عايز كورس مكثف صورةاولا بجد موضوع جميل جداصورة و للاسف فى الوقت الحالى نصف المصريين عايزين الكورس دهصورة و انا اولهمصورة ... لا انا مش نكدىصورة بس بجد الايام دى بجد ما بقاش فى حاجة تفرح فياريت اعرف الكورس ده هيبدا امتى علشان اشترك بس على الله يبقى رخيص علشان خلاص انا فلست صورةوياريت يكون مكثف ... و ياريت لو فى حبوب سعادة او ضحك انا عايز شريطين ولا حاجةصورة
و فى النهاية اشكرك على هذا الموضوع الجميل و الهام و منتظر الكورس صورة و اتمنى لكى التوفيق فى حياتكصورة
ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------

صورة
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: كورس تفاؤل

مشاركة بواسطة تنهيدة »

أيه الأسئلة الصعبة دى يارحاب تصدقى ان مش عارفة اجاوب خالص ...صورة
دا معناه انى محتاجة انضم للكورس بسرعة وأعتقد ان مصر كلها محتاجة تشترك فى الكورس بتاعك يارحاب صورة
بجد انا مش فاكرة امتى ضحكت بالدموع وامتى اتكلمت بتفأول بس ساعات بتكلم بتفاؤل بس بكون مش مصدقة نفسى
بس ممكن اقولك امتى اخر مرة نفخت بزهق كان النهاردة الصبح ...وامتى حسيت انى نفسى اصرخ ساعات واللهى بكون نفسى اصرخ
ومحدش يسألنى ليه ...وكتير بتخنق من غير سبب....بس واللهى انا بحب أكون متفأله لكن ساعات الدنيا مش بتدينى الفرصة
ايه الحصه الا تخنق دى ...صورة انا محتاج فعلا للكورسصورة
أنا معاكى يارحاب فى الكورس يمكن تقدرى تخلينى فعلا متفألة دايما ...صورة
بحيكِ ياقمر على طرحك الجميل لموضوعك الرائع ...صورة
وفى انتظار الحصة الجايةصورة
بتمنالك كل التفاؤل الا فى الدنيا صورةصورةصورة
صورة
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: كورس تفاؤل

مشاركة بواسطة رحاب صفا »

أهلاً بالمشتركين المقبلين على التفاؤل...
بداية مبشرة ...متقلقوش كله هيتعالج...كله موجود

donnabella:

مش هدفي خالص إني انكد عليكي ....العكس ..هستناكي في أول صف.

ابن مصر:

متشكرة على التعليق والحماس... مستنياك برده في نفس صف donnabella

نهاد:
برافو على الصراحة ...مستنياكي ...أعتقد هتبقي تلميذة أمينة جداً.
وبالنسبة للإستفسارات:

- فالكورس يا جماعة لقطة "من غير فلوس خالص" ،
- مواعيده الأحد من كل أسبوع.
- ومكانه هنا في نفس الموضوع.
- بس لازم تبقوا عملين حسابكم على إنه هيكون فيه واجب وتمرين ...مستعدين؟؟؟؟

أشوفكم في أول حصة ..."يوم الأحد".صورةصورةصورةصورةإن شاء الله
السكون للامعقول قدر لا نفقه تفسيره.
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: كورس تفاؤل

مشاركة بواسطة محمد محمود »

إيه المواضيع الجامدة دي يا رحاب
أكيد انت عرفتي الرد
كل اللي حيجاوب على الأسئلة هيكون عضو في الكورس دهصورة
وعلى فكرة أنا جبت النتيجة من الكنترول " البلد كلها قدمت في الكورس " صورة صورة، الفصل اتملى ومش مكفى صورة ، افتحي فصول إضافية لتستوعب الأعداد القادمة كالتتار صورةصورة
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: كورس تفاؤل

مشاركة بواسطة رحاب صفا »

محمد محمود كتب:إيه المواضيع الجامدة دي يا رحاب
أكيد انت عرفتي الرد
كل اللي حيجاوب على الأسئلة هيكون عضو في الكورس دهصورة
وعلى فكرة أنا جبت النتيجة من الكنترول " البلد كلها قدمت في الكورس " صورة صورة، الفصل اتملى ومش مكفى صورة ، افتحي فصول إضافية لتستوعب الأعداد القادمة كالتتار صورةصورة



يا خبر يا محمد ده كدة هتبقى مدرسةصورةصورة ...بس ولو هنتصرف ونعمله ان شاء الله ورديات..أهلاً بالبلد كلهاصورةصورة
السكون للامعقول قدر لا نفقه تفسيره.
صورة العضو الرمزية
شيماء قبيصى
أكاديمى نشيط
أكاديمى نشيط
مشاركات: 191
اشترك في: 01 يناير 2009, 3:51 pm
Favorite Quote: ياترى اللى بيعيش الزمن احنا....ولا الزمن هو اللى بيعشنا

Re: كورس تفاؤل

مشاركة بواسطة شيماء قبيصى »

صورةصورةجامده جدا الحكايه ديه
وانا عندى اقتراح يا ميس رحاب
كان بقالى كتير متصفحتش الموقع. و الظاهر ان حالتى المزاجيه معقوله لاننى هال بى ما رايت فى عناوين المواضيع خاصة الخواطر
وكنت للتو افكر....اننا جميعا فى سن الشباب .......ما هذا الذى ارى ما تلك الشحنات السلبيه التى بداخلنا (وانا معكم)
و توقفت لماذا لا نوظف كلامنا و احساسنا للنقيض .....اكيد الكلام ده صعب وعلى انا اول واحده بس لازم ندى نفسنا الفرصهصورة
اشوفك فى الكورس يا ميس
صورة العضو الرمزية
نبضة...
مشرفة قسم القصص القصيرة
مشاركات: 444
اشترك في: 30 إبريل 2009, 6:38 pm
Real Name: سارة صادق
Favorite Quote: النعم الكبرى لا تُظهرها إلا.. الفجائع الكبرى !
verification: ID verified and trusted writer
مكان: no where but my imaginary world

Re: كورس تفاؤل

مشاركة بواسطة نبضة... »

احم احم..
انا جديده هنا يا جماعه..يعني بالراحه شويا عليا..صورة
انا جايه هنا بناء علي نصيحه من الدكتوره تنهيده..ههههه
اصلها شافتني مرميه جنب خاطره متشائمه .. صعبت عليهاصورة..قالتلي اجي هنا..صورة
واديني جيت..صورةصورة
مش عايزه امسك نفسي من الضحك..عايزه كدا افيض من التفاؤل والسعااده..صورةصورة
صورةصورةصورة......ياااااااااا رب..ههههههه
ميرسي علي الموضوع..
صورة العضو الرمزية
لارا
مشرفة قسم إهداء إلى
مشاركات: 151
اشترك في: 22 ديسمبر 2008, 12:00 am
Real Name: سها محمد حسن
Favorite Quote: من الذكاء ان تكون غبيا بعض الوقت
verification: ID verified and trusted writer

Re: كورس تفاؤل

مشاركة بواسطة لارا »

بسم الله ماشاء الله واضح ان الكورس هيبقى عدده كبير اوى.يارب مكنش جيبت متاخر ولقى مكان ليا فى الكورس
cowards die many times before thier dies
أضف رد جديد

العودة إلى ”من أنت...؟“